麻辣派對 (瑞生酒店) (已結業)

麻辣派對其實我已經去過好多次，因為用booking app，每日嘅3點半或者四點，都有半價，所以有時行行下街，想食下午茶，都會即興去apps度book枱😚我覺得好抵食！呢間餐廳吸引我嘅係食物，但係店員嘅服務質素，其實真係值得改善，叫佢落單，係咁叫我等陣，叫左3次先有人理，落完單，過一陣我叫佢攞啲滾水俾我洗下碗碟，居然以一個不屑嘅眼神望一望我哋，然後又係催左兩次先至攞嚟😪希望真係教下員工咩叫禮貌！今次食～🌟酸菜魚🌟，叫BB辣，因為佢係好正宗嘅川菜餐廳，所以BB辣對於我哋正常香港人來講，已經好夠刺激😝！ 酸同辣嘅比例啱啱好，好欣賞佢嘅材料份量，薯粉俾得非常多，毫不吝嗇俾咗成紮金菇添，而且下面仲有個火熱住，保持熱度，啖啖魚都咁新鮮熱辣，所以間店就算開行個冷氣，我哋都食到㷫烚烚👍👍食完仲有個陳皮紅豆沙送，解下辣👍