影片
更多
2022-05-19
1864 瀏覽
老公生日晚飯，黎試一試呢間擁有一星既餐廳。位置唔易搵，要行入都爹利會館先有𨋢搭。餐廳無得泊車，所以要泊另一條街。先講講環境，樓底唔算太高，無咩景觀，咁主力focus野食喇。麵包上枱職員無介紹，而橄欖油食落係濃味，可惜職員係呢啲細節位都無多講，唔知道佢用左邊度出產既橄欖油。有一份送既appetizer，係煙三文魚配dill同cream cheese，普普通通。我地叫左kale salad同crunchy tacos，沙律同清新，簡單用檸檬汁同海鹽調味，仲有啲芝士脆片同牛油果，好適合食肉前做一個簡單開胃菜。Crunchy tacos好脆，A5和牛油份好重，混合左甘甜濃郁既海膽，利用咸鮮既魚子醬做調味，透明成個tacos升左一個level唯一就係三件，都唔知兩個人點分好主菜黎喇本來食WX wagyu bone in strip loin，點知一黎到點菜時已經話無貨，初初好失望，後來職員話會用另一款upgrade版代替，只係無帶骨咁，我都堅持要試一試，的確無令人失望！牛扒用熱辣辣鑄鐵鍋上碟，保持溫度之餘仲令啲牛油唔會咁易凍同凝固，外皮烤到脆脆又有少少燶既strip loin，已經切件上碟，一夾
先講講環境，樓底唔算太高，無咩景觀，咁主力focus野食喇。
麵包上枱職員無介紹，而橄欖油食落係濃味，可惜職員係呢啲細節位都無多講，唔知道佢用左邊度出產既橄欖油。
有一份送既appetizer，係煙三文魚配dill同cream cheese，普普通通。
我地叫左kale salad同crunchy tacos，沙律同清新，簡單用檸檬汁同海鹽調味，仲有啲芝士脆片同牛油果，好適合食肉前做一個簡單開胃菜。
Crunchy tacos好脆，A5和牛油份好重，混合左甘甜濃郁既海膽，利用咸鮮既魚子醬做調味，透明成個tacos升左一個level唯一就係三件，都唔知兩個人點分好
主菜黎喇
本來食WX wagyu bone in strip loin，點知一黎到點菜時已經話無貨，初初好失望，後來職員話會用另一款upgrade版代替，只係無帶骨咁，我都堅持要試一試，的確無令人失望！牛扒用熱辣辣鑄鐵鍋上碟，保持溫度之餘仲令啲牛油唔會咁易凍同凝固，外皮烤到脆脆又有少少燶既strip loin，已經切件上碟，一夾起見到火喉掌握得恰到好處，我就知今晚有運行食落牛味重，肉嫩，多汁，唔洗點用力咬，仲有陣陣炭香，一流！配菜係potato cream同creamy spinach，薯蓉有種打到起筋既感覺，有少少勁道，波菜亦好香奶油味，雖然唔算點左好多食物，呢到呢一刻已經食飽左八成！
甜品irish coffee souffle
一般而言梳乎厘食哂一個會有啲寡同滯，呢個焗到邊位脆脆，味道好香甜蛋味重，加上一層黑朱古力醬，將個香草雪糕擺係中間等佢溶化先食，冰火交替之間再飲一啖irish coffee，好夾，好大contrast
整體唔錯，價錢偏貴，食物品質好，略嫌餐廳職員未有同食客做到互動，同仲有好多細節位可以留意👀
張貼