牛奶冰室 (寶石大廈)

營業中

休息中

今日是2022年7月5日，我一直在荃灣上班，朝早常試食各款唔同嘅早餐。經過沙咀道時見到有一間裝修唔錯茶餐廳，因為返工趕時間所以就叫外賣。收銀姨姨略帶口音，態度一般，睇完餐牌，叫咗個麥皮餐，想叫熱檸茶一片檸片，收銀姨姨話餐廳用檸檬汁的，WHAT!用檸檬汁咪唔可以根據自己口味調節酸度，唔係呀嘛！跟住我想炒蛋轉太陽蛋收銀姨姨又話要加$3WHAT!凍飲加兩蚊就話啫，轉太陽蛋加$3簡直係難為客人，方便自己，沒有香港茶餐廳嘅精神。等候時間都可以接受。拎外賣嘅時候，啲職員真係講嘢都慳返，一句聲都唔會同你講。返到去打開嚟食炒蛋還可以，檸檬茶一般，個問題係個麥皮，唔知點解有一大舊蛋白喺度，另外都有幾舊蛋白完全冇攪勻嚟煮呢一間餐廳冇乜必要唔好再食，完全唔會推介俾大家。