影片
更多
2021-11-29
74 瀏覽
今日我哋又去到寶勒巷啦😂今日想試吓串燒好耐冇食過啦，基本上有好多串燒執得7788 ，行過呢度見到有一間，即刻衝入去試吓🤤呢度地方唔大比較似拉麵店，但勝在佢抽油煙機能力都好強，入到門口都唔會好大浸油煙味🥰座位有啲窄，全部都係高枱高凳，但高凳都有「挨pant」，所以坐得唔會唔舒服😌不過好可惜我哋今日揸咗車，我唔飲得酒，串燒配啤酒簡直係一流💕呢間鋪非常特別，枱中間會放上石燒，將燒好咗嘅串燒放上去，保持溫度，所以食每一件都係熱辣辣嘅🍻同埋串燒其實好難整得好食，燒太耐會燶，會苦。燒唔夠時間，又會唔夠熟，唔夠香，好考技巧，呢間店整體來說，食物一流👍🏻👍🏻🍴燒大蜆🍴$88好鮮甜，因為佢冇咩加調味，好純粹地食到蜆嘅鮮味，即顯得出餐廳對佢嘅海鮮有一定嘅信心😃🍴 燒午餐肉（ BBQ ）🍴$26外皮好脆，但冇咩午餐肉味，BBQ味蓋過咗🥲🍴 燒燒賣（香辣）/ 燒台式香腸（蒜味） （黑椒）🍴$19/$26each感覺好似炸燒賣，好脆，可以外加調味品，例如豉油個香腸佢係一條切開兩條，唔係好食得出蒜或者黑椒味，但係好食嘅，外皮唔會好韌，讚👍🏻🍴海鹽燒芫荽/ 燒茄子/鹽燒翠玉瓜🍴$18/$28竟然有芫荽，不得了，即刻
呢度地方唔大比較似拉麵店，但勝在佢抽油煙機能力都好強，入到門口都唔會好大浸油煙味🥰
座位有啲窄，全部都係高枱高凳，但高凳都有「挨pant」，所以坐得唔會唔舒服😌不過好可惜我哋今日揸咗車，我唔飲得酒，串燒配啤酒簡直係一流💕
呢間鋪非常特別，枱中間會放上石燒，將燒好咗嘅串燒放上去，保持溫度，所以食每一件都係熱辣辣嘅🍻同埋串燒其實好難整得好食，燒太耐會燶，會苦。燒唔夠時間，又會唔夠熟，唔夠香，好考技巧，呢間店整體來說，食物一流👍🏻👍🏻
🍴燒大蜆🍴$88
好鮮甜，因為佢冇咩加調味，好純粹地食到蜆嘅鮮味，即顯得出餐廳對佢嘅海鮮有一定嘅信心😃
🍴 燒午餐肉（ BBQ ）🍴$26
外皮好脆，但冇咩午餐肉味，BBQ味蓋過咗🥲
🍴 燒燒賣（香辣）/ 燒台式香腸（蒜味） （黑椒）🍴$19/$26each
感覺好似炸燒賣，好脆，可以外加調味品，例如豉油
個香腸佢係一條切開兩條，唔係好食得出蒜或者黑椒味，但係好食嘅，外皮唔會好韌，讚👍🏻
🍴海鹽燒芫荽/ 燒茄子/鹽燒翠玉瓜🍴$18/$28
竟然有芫荽，不得了，即刻叫咗一串！好香脆，亦好大陣芫荽味，係原條芫荽上！
燒茄子嘅蒜味好重，亦好林，好入味，而且個茄子皮係冇燒燶嘅，連皮食都唔苦，抵讚👍🏻
🍴 燒雞泡魚乾🍴$48
眾所周知，有雞泡魚乾，我會必食！但切得唔夠薄，所以佢燒得唔算太入味，有少少口感
🍴法式蒜蓉包🍴$24
呢個係成餐最好食嘅，蒜唔會太濃，但係非常之脆，新鮮出爐麵包一樣，唔係，佢應該係似餅乾😆
🍴燒鵪春蛋/ 鹽燒多春魚🍴$28/$29
燒鵪鶉蛋入面係流心嘅，好少喺出邊食嘅鵪鶉蛋係會咁，流心蛋就食得多。超好食，我一個人食咗三粒😆
多春魚都係一樣，不過不失
🍴 燒金菇肥牛卷🍴$38
都算大卷，出邊食家自己整都冇咁大卷，因為熱嘅關係，所以顯得非常好食，只係略嫌金菇有啲韌。
🍴燒原條牛肋條（沙嗲）🍴$38
老公話係全餐最好食嘅，啲牛肋條好似炆咗10個鐘咁稔，極之好食
好可惜啊，今日諗住叫白鱔，點知賣晒，下次一定要試吓🥺暫時來講，我覺得呢間串燒店係我食過最好食嘅，只係座位坐得冇咁舒服，同埋Staff有啲趕時間咁，除咗呢d, 啲食物係OK嘅，值得推介，值得一試👍🏻
張貼
