香港仔一品魚蛋王

營業中

休息中

返工多數會黎食呢間，因為我本身都鐘意食潮州粉既關係，最緊要離公司又唔係好遠，所以可能一星期都有幾日黎食，呢間野，我之前成日叫牛腩河，但因為牛腩河太肥，所以少左食，而呢排又想寫下食評，想話比人知咩舖頭好食咩舖頭唔好食，所以我想介紹呢一間，試過牛雜，牛腩，扎肉，雲吞，牛根丸，韮菜餃，魚皮餃，普通和手打墨魚丸，先講牛雜，前個排食，唔係好得，所以無食一排，但而家食返係腸唔苦同少肥膏，叫做好食，其他都係同出面無乜分別，睇你有幾想試個牛腸，不過耐唔耐會切舊牛沙瓜比你食都幾開心，到牛腩，嘩，我食十次，最少有8次係帶根帶少少肥，呢個真係你要有好好既供應商先可以做到，以前我係舖頭訂貨個陣，都係比一，兩次呢種既牛腩比你，之後就係平時食既一係4成肥，一係9成瘦，佢呢度我試十碗最少有八碗做到，所以我推介牛腩，而扎肉，牛根丸，魚皮餃，墨丸，都係叫貨，韮菜餃就幾好食，建議呢邊返工既人可以試下，但最好唔好食飯時間因為我唔想等位。呢間我比到8分。