烏蠅館 (已搬遷) 新店位置

今晚同朋友黎左尖沙咀呢條食街食近年火紅火熱既烤魚。呢度有三款魚揀，我地就揀左侍應推薦最厚肉既三刀魚（$288）。有六款醬汁揀，我地揀左呢度招牌香辣，要左少辣，原來麻辣度剛好，平時唔食辣既朋友都覺得接受到！侍應一早提醒魚要等20分鐘左右，因為要蒸好先上。等魚期間我地就揀啲配菜。我地想食番多啲蔬菜類，呢度可以雙拼，就揀左鮮淮山片+蘿蔔片（$38）、雞髀菇+冬菇（$38）、濕炸支竹（$28）、芋絲（$30）。魚黎喇，打下卡先！果然厚肉，味道鮮甜。有少少辣但又唔會蓋過左個鮮魚味！兩個人食一大條魚已經飽左一半，加湯之後食埋啲配料真係大滿足！淮山片爽甜又清新，厚薄同大細都啱啱好！我鐘意清d 嘅蘿蔔片，放左落去一兩分鐘就食，好清甜！我朋友就鐘意軟身嘅，放耐d, 好入味！雞髀菇係切左片嘅，快熟得黎都好左口感！冬菇好juicy又唔會有腥味，絕對係健康之選。濕炸支竹份量超多，而且有咬口，絕對係飽肚之選。芋絲淨食無咩味，但夠低卡，又有飽肚感，夾左呢個蒜味就好香！見到隔離枱叫啤酒勁大杯，本來打算叫埋，但真係飲唔落喇。