杏甜品 (香檳大廈) (已結業)

《杏甜品 - 尖沙咀》食完正餐，點都要留啲位置比個胃食甜品既🤭星期二喺尖沙咀食完飯後，同個同事傾計傾到意猶未盡下再搵左個地方食糖水，我就推薦佢黎呢間杏甜品試下個龍眼爽冰🥰我個人就好喜歡呢個口味啦，所以今次都唔例外😌食番同一款甜品❤️朋友on diet緊想食啲輕盈少少既糖水，咁啱見到menu有個好得意既系列😂叫"點食都唔肥甜品系列"🤭所以朋友就揀左呢個啦💁🏻‍♀️清燉甜菊代糖燉桃膠拼秘制椰汁杞子燉海椰子🥥餐廳個「點食都唔肥系列」可以比客人喺指定糖水入面揀A+B配搭，朋友就要左桃膠配椰汁燉海椰子🥥佢每樣items 都係分開上的，旁邊再附有代糖製既糖水，覺得唔夠甜的話可以自己再調味☺️咁就可以按照自己既口味作調節啦😉個桃膠燉既時候本來就落左甜菊代糖，帶有少少甜味，我朋友唔食太甜話就咁mix埋食已經好香好夠味，海椰子食落爽口，成個甜品食完有好滋潤既感覺💁🏻‍♀️泰國金標龍眼爽冰呢個甜品可以話係我既最愛❤️啱曬夏天熱辣辣既時候食呢😌龍眼冰入口清甜帶有椰汁香氣，咬到啖啖龍眼肉之餘，仲食到爽脆既水晶珠同椰果肉，如果喜歡食龍眼的話一定會好鍾意呢個龍眼爽冰👍🏻👍🏻超級大推