SOUTH LANE (南里)

營業中

休息中

呢間餐廳環境幾好，裝修簡約，氣氛悠閑。今日叫咗幾款佢哋嘅招牌菜，覺得整體質素真係幾掂，健康又好食，服務都不錯，店員態度有禮，食材新鮮。海鮮喇沙湯麵首先叫咗個海鮮喇沙湯麵，呢碗湯麵真係好足料，湯底有喇沙嘅香辣味，飲落去又香又唔會太濃。海鮮有鮮蝦、蜆肉同魷魚，每啖都食得出幾新鮮，蝦彈牙，魷魚爽口，完全冇腥味。米粉吸晒湯汁，口感好正，咬落去啖啖精華。🍜香煎海鱸魚菠菜薯蓉配檸檬汁跟住叫咗香煎海鱸魚菠菜薯蓉配檸檬汁，呢道菜真係有驚喜。海鱸魚煎得啱啱好，皮脆肉嫩，質感一流。菠菜薯蓉好creamy，菠菜嘅清香同薯仔嘅綿密夾得幾好t，食落好smooth。檸檬汁酸酸甜甜，淋喺魚上面好解膩。賣相都靚仔，色彩鮮艷，影相打卡一流，份量又夠，食完真係好滿足。🐟百香果芝士蛋糕甜品試咗百香果芝士蛋糕！芝士味濃但唔會膩，加上百香果嘅酸甜味兩者搭得好好，平衡得啱啱好。蛋糕入口即溶，份量唔算細，兩個人share啱啱好，甜品控食咗應該會好開心。重點係食完唔會覺得太heavy，啱晒鍾意甜品又唔想太有罪惡嘅朋友。🍰宇治抹茶燕麥奶飲品方面試咗宇治抹茶燕麥奶，呢杯飲品幾特別。用燕麥奶代替牛奶，健康啲。抹茶味好濃郁，帶點苦澀，飲落清