鼎味火鍋 (已結業)

母親節飯訂咗位去鼎味食邊爐放題。雖然餐廳細細，座位唔太多，不過環境乾淨，擺放食物的位置企理。食物方面，坦白講選擇唔算多，不過勝在食材新鮮。聽老闆講原來大部份食材係來自佢哋嘅有機農場，有啲海鮮仲係老闆每日下午親自到街市採購，所以全部食物都係新鮮的。至於湯底就有好幾款，味道清甜，飲完都唔口渴。 飲品方面，選擇較多，亦多元化。凍嘅汽水、鳥龍茶，熱嘅花茶咖啡等都係任飲嘅。強烈建議俾老闆添加啤酒俾我哋選擇。 母親節關係，今晚甜品係杏汁燉燕窩，真係完滿嘅一餐母親節飯！