影片
更多
2018-10-01
1420 瀏覽
朋友生日飯選定了打邊爐，大班人一齊烚下烚下最開心。老坑火鍋名副其實後巷的火鍋店，稍一不留神就行過左。記得睇到個招牌，請不要懷疑，轉入條巷仔就係火鍋店所在位置。一坐底，店員就超快手set好檯，幫手倒埋鼓油。店內環境光猛，餐具都好乾淨，印象分UP!!餐前小食就叫左碟秘制螄蚶，作為第一次嘗試的朋友，生螄蚶味道鮮甜味美，沒有難於入口的海鮮腥味。湯底點左雙拼：胡椒豬肚＆蓄茄清湯，送黎時我們都滿臉？？？問號，以為黎錯左２個清湯。事實證明我們有眼不識泰山，雙拼湯底落足料，而我們都特別鍾意胡椒豬肚湯底的咸菜。LIKE雖然我不是肉食狂熱粉絲，但呢個鮮牛肉好嫩滑，忍唔住食左幾舊。打邊爐不能沒有丸，自家製鮮四寶丸，全部都好鮮味，強烈推薦！（開始詞窮，請見諒……）最後介紹是日VIP：「油炸鬼」。不是配麻辣火鍋的超硬老油條，而係平時粥店脆卜卜那種，浸一下湯底再食，簡直無得彈！真心希望其他火鍋店都有提供，咁我朋友就可以放棄響鈴啦ㅋㅋㅋ另外仲點左蜆、午餐肉，新鮮八爪魚（呢個都推介）、油麥菜、生菜、淮山……「自己生日飯自己預訂。」我打左幾次電話預約都無人聽，最後反而壽星自己成功預約。問番原來係要營業時間前少少打去⋯⋯
一坐底，店員就超快手set好檯，幫手倒埋鼓油。店內環境光猛，餐具都好乾淨，印象分UP!!
餐前小食就叫左碟秘制螄蚶，作為第一次嘗試的朋友，生螄蚶味道鮮甜味美，沒有難於入口的海鮮腥味。
湯底點左雙拼：胡椒豬肚＆蓄茄清湯，送黎時我們都滿臉？？？問號，以為黎錯左２個清湯。事實證明我們有眼不識泰山，雙拼湯底落足料，而我們都特別鍾意胡椒豬肚湯底的咸菜。LIKE
雖然我不是肉食狂熱粉絲，但呢個鮮牛肉好嫩滑，忍唔住食左幾舊。
打邊爐不能沒有丸，自家製鮮四寶丸，全部都好鮮味，強烈推薦！（開始詞窮，請見諒……）
最後介紹是日VIP：「油炸鬼」。不是配麻辣火鍋的超硬老油條，而係平時粥店脆卜卜那種，浸一下湯底再食，簡直無得彈！真心希望其他火鍋店都有提供，咁我朋友就可以放棄響鈴啦ㅋㅋㅋ
另外仲點左蜆、午餐肉，新鮮八爪魚（呢個都推介）、油麥菜、生菜、淮山……
「自己生日飯自己預訂。」我打左幾次電話預約都無人聽，最後反而壽星自己成功預約。問番原來係要營業時間前少少打去⋯⋯（噓！秘密）朋友，下年我會醒醒目目，誓要逃離豬隊友之名……
張貼
