影片
更多
2024-02-29
90 瀏覽
朋友食完介紹我去話好多野食，又壽喜燒又串燒又蔬菜又有小食又有飯，兩個女仔食唔曬。一向大食既我感覺好似幾好咁就帶男朋友去試下😌見openrice話下場5:30開始，我5:25去到但原來要6:00先開始。行行企企終於到6:00，職員優先處理有訂位既客人。我地就要等多5分鐘先有得入～循例叫佢IG賣得好行既二人餐，就係朋友介紹我果個，係就係款式好多，但其實分量又唔算多。壽喜燒牛每人得3塊，飯就一碗share，串燒幾款每人未必有一串，例如雞翼得一串預你一人一隻。小食加錢叫左牛舌，但太厚身，又未做到入口即融，唔太好食～最後我地唔夠飽叫多杯宇治金時芭菲，望落好大杯又整得好靚，好多小丸子口感豐富，但食落唔係好有味，如果味道再濃郁啲就正。野飲叫左highball同moscato，moscato甜既岩女仔飲，仲有買一送一，而highball whisky 味重，鍾意whisky既朋友可以試下。環境我就麻麻地，職員帶我地去餐廳另一邊食，地下係街道既地下，仲見到坑渠。但服務好好，職員會照顧每一枱客人既野食，確保唔會燒over左。有個男職員亦都好體貼見我搵紙巾會主動比紙巾我，讚👍🏻👍🏻👍🏻
見openrice話下場5:30開始，我5:25去到但原來要6:00先開始。行行企企終於到6:00，職員優先處理有訂位既客人。我地就要等多5分鐘先有得入～
循例叫佢IG賣得好行既二人餐，就係朋友介紹我果個，係就係款式好多，但其實分量又唔算多。壽喜燒牛每人得3塊，飯就一碗share，串燒幾款每人未必有一串，例如雞翼得一串預你一人一隻。小食加錢叫左牛舌，但太厚身，又未做到入口即融，唔太好食～
最後我地唔夠飽叫多杯宇治金時芭菲，望落好大杯又整得好靚，好多小丸子口感豐富，但食落唔係好有味，如果味道再濃郁啲就正。
野飲叫左highball同moscato，moscato甜既岩女仔飲，仲有買一送一，而highball whisky 味重，鍾意whisky既朋友可以試下。
環境我就麻麻地，職員帶我地去餐廳另一邊食，地下係街道既地下，仲見到坑渠。但服務好好，職員會照顧每一枱客人既野食，確保唔會燒over左。有個男職員亦都好體貼見我搵紙巾會主動比紙巾我，讚👍🏻👍🏻👍🏻
張貼
