影片
更多
2011-12-04
59 瀏覽
呢間餐廳如果唔識路都幾難搵,系條街仔個角落頭度,個門口又唔係好特別,而且係佢旁邊D餐廳都係一D普普通通茶餐廳或者面店,但係唔好以為呢間野平,要帶定一DD銀兩先好去,因為晚上去,每個人之最低消費係HK$500,不過無一個SET DINNER係HK$500以下。先先講下開車去,點搵車位先啦,基本上條譚臣道都有一D咪錶位,不過真係可遇不可求,睇你個人運氣啦,如果唔想煩,就將架車開去前面莊士敦道新同樂叫代客泊車幫你,落車個時,記得同個代客泊車哥哥單聲,唔係係新同樂食,而係係蟹膳,佢地就會知道,泊一次HK$120,佢地唔會比飛仔你,又唔會比電話你,只會反而抄底你地個電話,咁你又會驚你點攞翻架車(我第一次叫佢地代泊都驚),不過我入到蟹膳問,佢地話係咁啦,埋單之時,通知蟹膳D職員,佢地就會幫客人通知個代客泊車哥哥攞翻架車比你地啦。佢地要攞你電話,係因為如果佢地收工前,客人都未取車,佢地就會打電話比個客,至於咁情況下,點交收翻架車,我就唔知道,因為未去到咁夜。好啦!講左咁多廢話,入正題啦,一入到餐廳就會見到個櫃台,無嘜神奇,唔洗理,但同時又見到個蟹池,我個日星期六晚上去,好似個日間餐廳剛剛入貨,見到好
先先講下開車去,點搵車位先啦,基本上條譚臣道都有一D咪錶位,不過真係可遇不可求,睇你個人運氣啦,如果唔想煩,就將架車開去前面莊士敦道新同樂叫代客泊車幫你,落車個時,記得同個代客泊車哥哥單聲,唔係係新同樂食,而係係蟹膳,佢地就會知道,泊一次HK$120,佢地唔會比飛仔你,又唔會比電話你,只會反而抄底你地個電話,咁你又會驚你點攞翻架車(我第一次叫佢地代泊都驚),不過我入到蟹膳問,佢地話係咁啦,埋單之時,通知蟹膳D職員,佢地就會幫客人通知個代客泊車哥哥攞翻架車比你地啦。佢地要攞你電話,係因為如果佢地收工前,客人都未取車,佢地就會打電話比個客,至於咁情況下,點交收翻架車,我就唔知道,因為未去到咁夜。
好啦!講左咁多廢話,入正題啦,一入到餐廳就會見到個櫃台,無嘜神奇,唔洗理,但同時又見到個蟹池,我個日星期六晚上去,好似個日間餐廳剛剛入貨,見到好多好多蟹係個池度,多到幾寸高而且見唔到池底,一見到D蟹就即刻肚餓啦! 真係要即時開啦!
坐底左如果唔識叫或唔知叫嘜好,就叫蟹SET餐啦,基本上呢度有三款蟹,松葉蟹,毛蟹同鱈場蟹。一個蟹SET餐,由HK$700至HK$1500不等,而一個SET最小要叫兩個人份量,所以一個人消費唔會唔夠HK$500。個餐牌都有和牛叫,不過基本上係蟹之專門店,我都唔會選擇食牛啦。
叫左個一個鱈場蟹火鍋套餐(HK$1180/人),MIN ORDER 係最小要兩個人份量,二人份量其實就只有一隻鱈場蟹,因為係半隻一個人份量,不過其實除非好大食,基本上都幾飽。如果唔喜歡叫套餐,可以單點,例:毛蟹(冷食)一隻,重800g至900g,即係幫你煮埋,加起蟹肉,收HKk$1250(未加服務費),但就只係得隻蟹咬,無其他野食。
有D嘜野食,程序如下:
1.蟹肉豆腐 - 剛剛放係台上面睇以為係冷盤,原來吃落去係暖暖地,個漿汁係底,係加左D蟹肉
2.燒鱈場蟹肉
3.鱈場蟹天婦羅
4.鱈場蟹火鍋,由自己來負責煮, 會上一大碟蟹肉,好似話可以生食,不過我唔敢,另外,還有蟹餃4隻,同埋一大碟菜和姑姑吃,最後重有一個大蟹蓋,裡面有好多好多蟹膏,不過唔係而家吃
5.如果食完,就叫個職員入來,佢會取D飯入來整蟹粥,佢會先把過多的湯底取出,之後,加入飯同剛剛個D蟹膏,重會加蛋,攪下攪下就有得食啦!
最後有雪糕送,得三樣味:咖啡,芝麻同柚子雪葩
我個人認為最好味,係燒蟹肉同個蟹粥,好好吃
題外話/補充資料：
煮個蟹粥個時,如果認為太多蟹膏同雞蛋,會令你個膽固醇升爆錶,就叫個職員落小D蟹膏同雞蛋,基本上個蟹膏係分開兩份上,因為個日我地係房吃,就一個鍋攪掂,如果係BAR台吃,就一人一鍋,所以個SET將D蟹膏分成兩份,一個人一個份量,係完全可以分開來吃。如果又唔想吃咁多雞蛋,又可以落小D。
如果認為晚餐太貴啦,就中午去,我見個餐牌上D午餐價錢無咁貴,可以去試下。
呢間野唔係平,不過如果想食日本蟹,又唔想坐飛機,比飛機票錢,就計起來呢度平DD啦.....:P歪理,心理安慰:P
(以上食評乃用戶個人意見 , 並不代表OpenRice之觀點。)
張貼