影片
更多
2022-05-19
1537 瀏覽
每次喺海港城泊好車落去，都會經過嘅一間餐廳，今日見仲有兩個位，於是馬上入去，終於有機會試下😋入到餐廳已經見到有好多只火腿高高掛，側邊有個酒櫃，令到成個格局都好有西班牙風情，去唔到旅行唯有喺香港感受下。我哋叫咗兩個lunch set ，前菜分別叫咗一個伊比利亞香腸拼盤配西班牙蕃茄多士，香草蕃茄肉配上鬆脆多士，再夾上香腸片同食，味道一絕，伊比利亞香腸有三款，細味咀嚼油香慢慢滲出來，要來做小食一流。而北海道帶子tartare，帶子粒撈埋蕃茄乾、香草和其他秘製醬料，最後喺面放上一撮蕃紅花，十分吸睛，味道酸酸甜甜，清新開胃啱晒我呢啲鍾意食酸嘢嘅人。主菜叫咗西班牙火腿手卷意大利麵配瑞可達芝士。意大利麵加上新鮮蘑菇都掛滿濃香嘅芝士汁，芝士入口即時充斥住整個味蕾，再配埋西班牙火腿嘅鹹香一齊食，真係一流嘅配搭。另一個主菜係香煎盲曹魚。呢個主菜係配zucchini，薯仔，橄欖同埋蕃茄。唔想食太多澱粉嘅人可以揀呢個主菜。配菜吸收晒啲醬汁，好好食。盲曹魚煎得皮脆肉嫩好香口。甜品就叫咗一個西班牙炸油條同埋雲呢拿牛奶泡沫拌朱古力脆片。西班牙炸油條真係炸到脆卜卜，灑上玉桂粉，再配埋個朱古力雪糕，非常好食。雲呢拿牛奶
入到餐廳已經見到有好多只火腿高高掛，側邊有個酒櫃，令到成個格局都好有西班牙風情，去唔到旅行唯有喺香港感受下。
我哋叫咗兩個lunch set ，前菜分別叫咗一個伊比利亞香腸拼盤配西班牙蕃茄多士，香草蕃茄肉配上鬆脆多士，再夾上香腸片同食，味道一絕，伊比利亞香腸有三款，細味咀嚼油香慢慢滲出來，要來做小食一流。
伊比利亞香腸拼盤配西班牙蕃茄多士
29 瀏覽
0 讚好
0 留言
而北海道帶子tartare，帶子粒撈埋蕃茄乾、香草和其他秘製醬料，最後喺面放上一撮蕃紅花，十分吸睛，味道酸酸甜甜，清新開胃啱晒我呢啲鍾意食酸嘢嘅人。
韃靼式北海道帶子
30 瀏覽
1 讚好
0 留言
主菜叫咗西班牙火腿手卷意大利麵配瑞可達芝士。意大利麵加上新鮮蘑菇都掛滿濃香嘅芝士汁，芝士入口即時充斥住整個味蕾，再配埋西班牙火腿嘅鹹香一齊食，真係一流嘅配搭。
西班牙手卷火腿意大利麵配瑞可達芝士
34 瀏覽
0 讚好
0 留言
19 瀏覽
0 讚好
0 留言
另一個主菜係香煎盲曹魚。呢個主菜係配zucchini，薯仔，橄欖同埋蕃茄。唔想食太多澱粉嘅人可以揀呢個主菜。配菜吸收晒啲醬汁，好好食。盲曹魚煎得皮脆肉嫩好香口。
香煎盲曹魚
17 瀏覽
0 讚好
0 留言
18 瀏覽
0 讚好
0 留言
甜品就叫咗一個西班牙炸油條同埋雲呢拿牛奶泡沫拌朱古力脆片。西班牙炸油條真係炸到脆卜卜，灑上玉桂粉，再配埋個朱古力雪糕，非常好食。
西班牙油條配朱古力雪糕
17 瀏覽
0 讚好
0 留言
雲呢拿牛奶泡沫配朱古力脆片，上枱嘅時候以為成個係牛奶雪糕，原來係用牛奶泡沫包住左個朱古力雪糕，中間仲有少少雜莓同脆片，每啖都有啲脆卜卜，很有驚喜。
雲呢拿牛奶泡沫拌朱古力脆片
18 瀏覽
0 讚好
0 留言
跟餐包$45內飲品，多了要補差價。要了杯Cappuccino同埋flat white作為午餐完美的終結，兩杯飲品都有靚靚拉花，實在唔捨得飲👍
意大利泡沫咖啡
17 瀏覽
0 讚好
0 留言
張貼
