合時小廚 (裝修中)

今年不宜拜年，唯有兩口子自私搵食，果然有食神，即晚打去合時居然有枱，即去唔駛諗，訂枱真係要等半年先至有得食😏———————————————————————————🥢百花炸釀蝦多士🦐🥪💬非常之有水準，賣相吸引，蝦膠彈牙飽滿，香脆鬆化唔油膩，熱辣辣好好味🔥.🥢極品茶皇雞🐔💬而家都仲諗得返陣茶燻嘅香味，好乾身而且雞肉非常嫩滑，味道香濃撲鼻，唔只係味覺享受，更加係嗅覺嘅享受😏.🥢韮菜花銀魚小炒皇🌾💬大大條嘅蝦乾、香脆嘅腰果、加入鮮魷🦑同韮菜花，最緊要係有炸過嘅銀魚仔🐟提升口感，餸飯一流😏.🥢杏汁菜膽燉白肺湯🍵💬杏仁成晒沙好濃郁，豬肺潔淨無異味，老火湯火候十足，天寒地凍🥶最好飲番碗熱湯暖暖胃，非常滿足😏