普洱

營業中

休息中

住左荃灣咁耐，都未試過呢間，夜晚9點後好多食肆都預備閂門，咁啱佢肯接我walk in，就試吓。原以為茶葉命名會有點心食，sorry ，佢係食米線客飯。因為屋企人都話呢間野食係一般，咁我本住一試嘅心態去試，冇期望就冇失望。我點左個雞絲牛肉酸辣米線，都唔錯吖！雞線係鞋左啲，牛肉就抆到好腍入味。當然如果你用四川酸辣去比較，一定係唔同，因為佢係蕃茄加泡椒同炸菜，有時轉下口味都幾清新。唔知係咪臨近收工，佢俾勁多雞絲，牛都有差唔多6舊，當然有大有細。到第二次我又經過食晏，我又叫牛肉大腸米線試吓，lunch只係比晚餐平左4蚊，但碗米線得3粒大腸同2粒牛肉粒，真係勁縮水，如果下午茶咁少就話啫，仲要粒牛一粒好似牛丸size，另一粒得一半……下次都係夜啲去食抵啲😂不過再有下次先算。之後先上返OpenRice 睇返，原來佢多左咁多差評😅以我所知佢都係翻新完冇幾耐。朱古力普洱都好飲嘅另外服務就一般啦，茶餐廳你想有咩服務俾你🤣🤣不過撞啱兩次食嘢佢都掃地，收工果次都明嘅，但係一路食一路係你隔離掃個感覺唔好好好，好似會食到塵咁，哈。