和牛割烹小田

營業中

休息中

平時我就特別鍾意去和牛割烹小田食午餐，咁啱今日男朋友唔駛返工，我就帶佢一齊嚟呢度食。我都係同尋日一樣，點咗一份肋眼和牛扒，而男朋友點咗昆布生牛肉片。我哋點嘅都係套餐，有附送飯、湯、沙律同甜品。［昆布山牛肉片］昆布帶有鹹鹹嘅味道，而牛肉片切得非常薄，口感嫩滑，唔會柴柴嘅，食得非常過癮！而且牛肉食起嚟非常鮮甜，份量十足，完全可以滿足我嘅胃口！［肋眼和牛扒］牛扒有豐富嘅脂肪紋路，肉間嘅油脂令口感非常滑順，鮮甜嘅味道喺口中慢慢散開，簡直係我食過最頂級嘅牛肉！仲有啲配料作為調味，味道更濃郁！男朋友都好鍾意呢度嘅午餐套餐，仲話有時間會多啲同我一齊嚟食！