Passion (已結業)

之前去葵芳行街，去到下午茶時間見有少少肚餓就入咗呢間餐廳食下啲西式野，只係點咗少少小食，但係就一試愛上喇。呢個煙三文魚pizza。都係嗰句，薄pizza有薄pizza嘅香口，可能係冇厚批咁有滿足感、咁飽，但係我個人係十分喜歡薄批脆身啲嘅😏✨薄餅上面有大大塊嘅煙三文魚，再加啲又熟、又林、又入哂味嘅洋蔥，足料又夠香，唔會整到好似蒸魚咁冇哂味，依然係有omega 3嘅味（omega 3係咩味？我唔知，總之就係三文魚味😂）下面嚟個薄批托一托，真係18歲，卜卜脆。好正啊❤️❤️❤️另外點咗個蛋批整好咗之後熱辣辣，好香蛋味，食落好軟熟，一啲都唔硬，再配埋佢其他嘅配料係入面真係多重口感得嚟又有加添咗啲味道落去，有少少飽肚，正！