順日本料理 (已結業)

朋友介紹呢間牛舌飯好厚好抵食，本來滿心歡喜嚟到，一入店內鬼影都冇隻，過左一陣先有個姐姐走出黎serve我地。個位姐姐好似咩都唔知咁，問佢有冇螢光魷魚要走入廚房問先知，另外就係用餐時候個位姐姐不斷係隔離徘徊，仲要係到唱歌，真係有啲騷擾！重點嚟了，朋友叫咗牛肉壽喜燒，牛肉質素同凍肉鋪$30個啲差唔多（所以冇影相）燒牛舌的確好厚，但個人認為黑胡椒太多了，蓋過咗牛舌原本嘅味道。食完嘅時候唔知點解開始肚痛，一開始同朋友都冇為意，但第二日同朋友就開始腸胃炎，嘔咗好幾日，最後要入急症先至好返。唔知關唔關啲前菜事，食個陣我地都覺得味道有啲奇怪，希望餐廳可以對員工培訓多多改善，同埋保持食物新鮮。