影片
更多
2024-10-13
548 瀏覽
睇過泰山介紹好似好正咁就滿心期待走去食，坐低有個女職員走埋嚟介紹新出咗個包同推薦雞翼，然後就話要自己去counter落order, 咁ok la。咦？唔係喎，10% service charge喎⋯⋯睇個餐牌價錢唔算特別平，有好多都好特別、好吸引，所以就叫咗個signature牛扒芝士三文治（大概咁上下名）。啲食物嚟到我以為嗌錯咗⋯⋯心入面嘅反應係：就咁㗎咋？百幾蚊喎！準備開始食連餐具都冇，係要叫個女職員先會有（可能以為我哋食三文治唔使餐具？）咁10% service charge係收咗喺推介食物嗰度？塊多士夾住好多芝士同塊好薄嘅牛扒，雖然塊多士好脆，但係成件事好滯，食幾啖就想飲嘢。講開杯嘢飲，叫咗百香果梳打，冇任何Topping或特別嘅杯，好似茶餐廳加$10轉特飲嘅feel，唔緊要，可能好好飲，唔係掛⋯⋯無味嘅⋯⋯朋友叫咗杯檸檬梳打，甜到不得了，又心諗：2杯嘢加埋百幾蚊喎，唔係啊嘛！Total 四百幾蚊埋單，2個三文治+雞翼+2杯嘢飲係食得好飽嘅，同埋唔係難食，但係感覺我用四百幾蚊嚟食好少少嘅茶餐廳就覺得唔值。值得讚嘅係單骨雞翼好味，好似值返少少。
睇個餐牌價錢唔算特別平，有好多都好特別、好吸引，所以就叫咗個signature牛扒芝士三文治（大概咁上下名）。啲食物嚟到我以為嗌錯咗⋯⋯心入面嘅反應係：就咁㗎咋？百幾蚊喎！
準備開始食連餐具都冇，係要叫個女職員先會有（可能以為我哋食三文治唔使餐具？）咁10% service charge係收咗喺推介食物嗰度？
塊多士夾住好多芝士同塊好薄嘅牛扒，雖然塊多士好脆，但係成件事好滯，食幾啖就想飲嘢。講開杯嘢飲，叫咗百香果梳打，冇任何Topping或特別嘅杯，好似茶餐廳加$10轉特飲嘅feel，唔緊要，可能好好飲，唔係掛⋯⋯無味嘅⋯⋯朋友叫咗杯檸檬梳打，甜到不得了，又心諗：2杯嘢加埋百幾蚊喎，唔係啊嘛！
Total 四百幾蚊埋單，2個三文治+雞翼+2杯嘢飲係食得好飽嘅，同埋唔係難食，但係感覺我用四百幾蚊嚟食好少少嘅茶餐廳就覺得唔值。
值得讚嘅係單骨雞翼好味，好似值返少少。
張貼
