川婆婆 (寶勒巷) (已結業)

天氣好凍呀，食麻辣火鍋？食雞煲？食燒烤？唔食辣？川婆婆一定滿足你所有嘅要求😆😆揀咗套餐B，麻辣湯底會有茶底，中和番個辣度，幾特別👍🏻套餐會有兩款牛，牛頸脊+牛小排🐮兩款肉都好好食，我哋試過打邊爐又試過燒，最後結論係打邊爐好食啲😂😂雞煲唔算太辣，但好惹味👍🏻👍🏻，食完雞，都可以擺嘢食落去煮，個汁好正😋😋，啲嘢食索哂啲汁，好滋味🤤🤤套餐仲包時令海鮮，大大隻鮑魚，好爽口👍🏻👍🏻蝦好彈牙，車厘蜆好鮮甜，正😋😋其他自助配料都有好多款選擇，特別推介係牛黃喉👍🏻👍🏻非常爽口！出面好少有，如果自己買係好貴㗎，食咗幾轉都值回票價😂😂仲有燒肥牛都好好食，啱晒啲食肉獸👍🏻👍🏻我朋友話燒蟹柳好好食，我就已經飽到上心口，食唔落了😂😂仲有飲品都係任飲，好多選擇，一路食辣嘢，飲品必備，我幾欣賞有維他奶，因為飲奶可以解辣，唔錯！👍🏻👍🏻環境都好闊落，服務都非常好，回頭率甚高！👍🏻👍🏻👍🏻