影片
更多
2023-06-25
878 瀏覽
本身喺紅磡返工行開行埋其實唔係好覺眼有間咁嘅麵店聽個名以為係食日本菜原來係取自《孟子‧離婁上》中「滄浪之水清兮，可以濯我纓；滄浪之水濁兮，可以濯我足」增添一份古老，溫婉嘅文化氣息舖頭細細間完全唔起眼不過門外就keep住有人排隊店內約有20個座位環境擺設儼如一間小客棧由兩個員工打點一切但都無話踢哂腳有條不紊我睇個個都食嫩雞煨麵所以就叫咗呢個應該係招牌嘅等咗差唔多5分鐘就上枱非常之有效率碗麵好似一蘭嗰啲拉麵碗咁大聞落去有香濃嘅牛奶雞湯味我等唔切已經急不及待要食咗先個湯濃厚黏稠飲完都唔會口渴好鮮味麵條煙韌有咬口喺幼拉麵嚟嘅啲雞粒同埋小棠菜嘅大小好適中一啖可以有雞有菜有麵雞肉都係鮮嫩滑溜無雪味小棠菜爽脆鮮甜食得我本人好開心😂同事就叫咗葱油拌麵加虎皮蛋同埋紅燒軟排麵因為太趕時間返工我影啲相全部都矇晒所以就唔擺出嚟喇😂我只可以講聞落真係好香好香好香好想食佢哋啲口水尾🥲另外食完之後發現俾人抄咗牌心情突然沉重🫠但係諗返起個麵只不過係$55其實要我比double我都願意（喺翡翠拉麵小籠包食個麵都一定唔係呢個價錢啦仲要唔好食）發動逆向思維就變咗抄牌抄少咗我$55即刻開心返☺️
行開行埋其實唔係好覺眼有間咁嘅麵店
聽個名以為係食日本菜
原來係取自《孟子‧離婁上》中
「滄浪之水清兮，可以濯我纓；滄浪之水濁兮，可以濯我足」
增添一份古老，溫婉嘅文化氣息
舖頭細細間完全唔起眼
不過門外就keep住有人排隊
店內約有20個座位
環境擺設儼如一間小客棧
由兩個員工打點一切但都無話踢哂腳有條不紊
我睇個個都食嫩雞煨麵
所以就叫咗呢個應該係招牌嘅
等咗差唔多5分鐘就上枱非常之有效率
碗麵好似一蘭嗰啲拉麵碗咁大
聞落去有香濃嘅牛奶雞湯味
我等唔切已經急不及待要食咗先
個湯濃厚黏稠飲完都唔會口渴好鮮味
麵條煙韌有咬口喺幼拉麵嚟嘅
啲雞粒同埋小棠菜嘅大小好適中
一啖可以有雞有菜有麵
雞肉都係鮮嫩滑溜無雪味
小棠菜爽脆鮮甜食得我本人好開心😂
同事就叫咗葱油拌麵加虎皮蛋
同埋紅燒軟排麵
因為太趕時間返工我影啲相全部都矇晒
所以就唔擺出嚟喇😂
我只可以講聞落真係好香好香好香
好想食佢哋啲口水尾🥲
另外食完之後發現俾人抄咗牌心情突然沉重🫠
但係諗返起個麵只不過係$55
其實要我比double我都願意
（喺翡翠拉麵小籠包食個麵都一定唔係呢個價錢啦仲要唔好食）
發動逆向思維就變咗抄牌抄少咗我$55
即刻開心返☺️
嫩雞煨麵
$55
60 瀏覽
0 讚好
0 留言
張貼
