Yung Chicken Beer

營業中

休息中

難得女朋友可以早少少放工緊係又要去覓食啦不過食完又要再做所以揀間近近地又好食既 因為土瓜灣分店比其他分店既價錢平所以覺得好抵食 我地一個月都尼一兩次😂一坐低例牌放低兩碟前菜俾我地 分別係醃蘿蔔同椰菜絲沙律 酸酸地令我地更加開胃 跟住我地叫左 泡菜煎餅 - 對李家既泡菜餅情有獨鍾 每次尼親一定會叫 煎餅仲加左啲墨魚粒令塊餅更有咬口 當然個汁都功不可沒 酸酸辣辣 根本就係絕配 芝士調味炸雞 - 其他試哂所以今次叫哩款 每次叫炸雞都係即叫即炸 一上到枱仲係熱辣辣 炸粉薄 好鬆脆而且肉多👍🏻如果芝士味可以濃啲會更好不過雞係炸得唔錯 完全唔覺得油膩 食到停唔到😋西柚生啤 - 酒味唔係好重 似飲緊有氣西柚汁不過係好飲既樓面好似唔夠人 有時佢地掛住傾計要舉好耐手先有人尼serve我地 希望可以改善下啦