好蔡館

營業中

休息中

好蔡館魚蛋魚皮餃潮式鹵水拼盤油鹽焗基圍蝦潮州蠔烙魚蛋魚皮餃 - 魚蛋彈牙，相信係自家制。潮式鹵水拼盤 - 鹵蛋、豬肚、豬腸、豬腩肉、豬腰。全部都好入味，比較鐘意食鹵蛋，通常入味既鹵蛋都成隻實晒，但佢地唔同喎，只係得一層薄層結實，入面如同一般烹蛋軟。要做到依個效果，唔知係咪用左新啲既烹法slow cook呢？油鹽焗基圍蝦 - 基圍蝦大細適中，老實講蒸蝦、灼蝦，只要蝦夠新鮮就唔會有咩特別，但佢地唔同喎，配左碗自制醬油，立即能夠做到潮州菜主張-提升鮮味既效果。潮州蠔烙 - 食開既蠔餅都係大鍋油炸，效果比較香口鬆脆，再配個橙色辣椒醬。但依度採用半煎炸方法，唔會好易散晒，反而重覺得有啲煙韌，蛋味夠香，蠔又夠新鮮大隻，再配個魚露胡椒粉，真係堅好食，絕對不能錯過，黎到一定要試。