好蔡館

對上一次嚟食係2024年7月，係有米蘭朋朋友來香港旅遊，朋友想帶佢地去九龍區食中式或潮州菜帶佢地嚟食，最後好蔡館第二輪有位，所以食咗。印象是可以的。 在2019年都幫襯過兩次呢！今次再嚟原因係有朋友需要在太子區，而好蔡館又可以兩小時用餐以及在OR可訂檯，同時有圓檯，所以揀咗好蔡館。但今次⋯會是最後一次光顧了！今日一行六人叫了6款食物，食物不過不失，但雞明顯退步咗⋯⋯焓花甲（例牌）$298擺盤吸睛😀但調味重咗少少，花甲肉無預期嘅鮮甜韭菜粿 （每隻$12）皮薄晶瑩剔透😀但皮略嫌太軟身潮州桔油生炒骨$168味道恰到好處😀份量太細蒜蓉炒菜心 $108夏季菜心不是最靚嘅時候，但這個炒菜算係全晚整得最好了😂鮮味走地雞（半隻）$298肉無平時食開嘅走地雞般爽彈⋯$298半隻如果係好食嘅話都算⋯依個價唔值！汕頭炒麵線$168可能潮州炒麵線有好多派系⋯我唔太識欣賞這款吧⋯2019年4月吃過的：2024年7月吃過的：今回最後一次嘅主要死因係： 服務態度！那位女服務員的眼神、面口、態度，真係令在座每一位感到不快！可能我地叫得太少食物？ （6人叫了6款食物，其實睇餐牌唔知揀乜⋯）無叫高價餸菜？ 坐足兩小時？（若然外面有食客等位，我地當然識做，但整晚都無第二輪，而且訂檯時寫明兩小時用餐，）不明服務員為何咁？香港飲食業唔夠人爭除咗租金貴外，其實服務態度/服務質素也是主因，唔好成日賴晒成本高！…查看更多

今日約咗一班朋友食下飯聚下舊今時今日 想揀返間不限時都真係唔易結果去呢度見OpenRice 好多人都叫花甲例牌 係夠7個人食鹵水鵝片超好食入味又唔肥蠔餅 正🥳🥳𧐢仔炒飯比較細碗不過都係幾好食炒豬大腸我哋另外仲有叫其他嘢不過就無影相Overall 係幾好食不過嫌比較細碟環境 坐得舒服不過個廁所就差少少可惜佢比較早收10:00 就關門今時今日 香港真係無乜夜生活…查看更多

是日朋友生日 兼中秋節聚會🎈🎂🏮招牌花甲 醬汁鹹鮮 花甲冇沙，而且好飽滿 很開胃的一道菜式潮州蠔烙 蠔仔仔大大粒鮮甜飽滿 蠔餅炸得外脆內軟 送啤酒涼拌香芹鹹菜炒豬大腸鹹菜香近爽口冇渣 豬大腸冇臊味 煙靭彈牙 送飯一流手打墨魚腐炆白菜呢個菜式比較清淡 墨魚腐也沒什鮮味滷水鵝片鵝片滷得入味，肉質鮮嫩 ，不過略嫌滷水味道單一 不算很香獅頭鵝肝粒炒飯鵝肝粒味道甘香，炒飯也很香很夠鑊氣粒粒分明蠔仔粥蠔仔大大粒唔腥，亦都冇沙 但粥的湯底不算鮮味潮州桔油生炒骨生炒骨的骨頭比較多，肉比較少，肉也不算鮮嫩帶點柴，吃罷帶點點桔的清香欖菜肉碎炒四季豆這道菜式比較油 但只欖菜有鹹味 ，肉碎和四季豆頗油但似沒有調味鮮味走地雞半隻走地雞肉質不算柴，而且帶有雞味 雞髀都幾嫩滑留意返呢一間菜館只係收現金喔💰…查看更多

中秋節 諗住同屋企人開開心心食餐飯，點知一肚氣。呢間野正垃圾。我地叫左花甲，隻隻花甲好細仔，仲要有沙。跟住唔夠飽 想加單，樣樣野都話賣曬，仲話我地約得晏，咁無野食唯有叫左小炒皇，菜脯炒蛋同反沙芋。點知前兩碟野黎到勁醎，難食到不得了，同佢講好醎，問佢係咪中秋趕時間收舖亂咁黎？點知個好似老闆娘既女人，係到話你地唔要就唔好要啦，連反沙芋都唔好要囉，平時師傅都係咁煮既。真係火都黎！唔好意思都唔講聲，仲鬧返個客。咁既服務態度咪係香港開舖啦，香港人比錢唔會買難受。係呢到奉勸老師娘 咁既態度早日關舖，咪影響香港國際大都會既聲譽。返大陸啦。…查看更多

勁多人力推比我嘅正宗潮州菜位置係太子非常方便最近外牆裝修緊想食都建議你地book 位不過留意返係只收現金我覺得呢個安排都幾唔friendly 少少扣分話晒個menu 都唔平同埋而加都電子世代啦食物水準ok 滷水鵝片非常好食好入味好香必點嘅蜆肉賣相好好點都係招牌菜之一味道酸酸的幾開胃係肉比較瘦唔夠肉地蠔烙都係必點一定要襯熱食之後order左個鴨肉咸檸湯係冇味嘅清水一般最後叫埋個鵝肝炒飯米飯香嘅有鑊氣但鵝肝幾「蘇」食左兩啖就放棄順便一提服務真係唔ok講國語都唔緊要問乜都係hea 你咁叫人落單又唔睬我地最後仲一定要收cash所以真係有啲唔happy:(…查看更多

❣️整體食物味道唔錯，花甲&蠔烙必點🤩，其他菜式未去到好驚艷，性價比一般💸，餐廳細細間得幾張枱，建議去之前一定要訂位🔖🌟人氣打卡招牌菜 花甲 （例牌） $298 花甲新鮮無沙，秘製潮式醬汁夠曬鮮味😛，最後食到唔夠喉🤩 打卡一流📸 🌟潮州蠔烙 $148 有驚喜！蠔仔好大粒啖啖肉，蠔餅炸得夠脆，外脆內軟😽沾埋醋汁食一流🥢 🌟手打墨魚腐炆白菜 $148 上湯鮮甜👌🏻白菜炆得夠淋 🥬 清清淡淡好選擇✅ 🌟獅頭鵝肝粒炒飯 $168 員工推薦嘅炒飯👍🏻 炒飯夠乾身有獲氣，鵝肝粒好惹味😻 🌟蜆肉撈飯（一碗） $88 蜆仔肉同韮菜爆多，味道一般🥲，勝在飯炒得粒粒分明，鐘意食韮菜嘅可以一試🙌🏻 …查看更多

很多人推介的潮州菜，沒有什麼整色整水嘢，主打正宗的打冷和小菜，份量較多，更適合一大班人share，不過定價稍高…性價比就見人見志啦~花甲每枱必點的花甲，擺滿一整碟，先大飽眼福🤪。入口沒有一顆沙，加了很多芫荽和蒜蓉，自己更喜歡酸一點的魚露汁，這個很開胃。潮州粿肉卷外層是腐皮，油炸過很香口，能咬到馬蹄粒，做法正宗！滷水鵝肉本日最愛，鵝肉很軟滑，食肉獸瘋狂攝入。潮式炒粉粿賣相看起來很清淡，感覺潮州菜都不會額外加老抽調色😆，意外地入味，但也沒有非吃不可的理由。蛋白杏仁茶手磨杏仁茶很細滑，沒有顆粒感，杏仁味濃郁，有人和我一樣最喜歡吃浮面的蛋白嗎🫣，就嫌它蛋白不夠多😆。…查看更多

呢餐真係伏到直升機出太平洋味道正常偏濃，本來好好地但一找數，omg, 十人坐圓櫈食咗萬四？炸九肚魚$698？雜魚煲又$698？羔蟹要$1680？鹵水拼盤要過千?其實係份份計，完全唔知點計$700 ー碗仔潮州翅？全枱人眼都大哂衛生又差，廚房前面又見到小強如果唔係朋友叫去食，我估我已經返咗枱。酒店？米芝蓮三星重貴過我食翁生同彤福軒真係今年食咁多伏一定没有下次🚁🚁🚁🚁🚁🚁🚁🚁🚁🚁🚁🚁…查看更多

作為半個「Ga-Gi-Nang」，一路都想搵機會嚟呢一間好蔡館試下～不過佢地方唔大，真係好難book位，通常佢晚市都full～好彩今次兩個人嚟食最夜8:00嗰轉佢都有位坐～「🐚烚花甲（細）」花甲係一定要點！打卡一流👍🏻每一粒都排得好整齊～事實上做法就好簡單，就係新鮮嘅花甲加特製醬油～個特製醬油我食得出嘅就有魚露/豉油/陳醋/仲有啲九層塔🌿辣椒🌶️咁⋯花甲隻隻差唔多咁大隻，而且好新鮮，冇一隻係差～配埋個特製醬油係非常之鮮甜，一種好潮州嘅原味道😋😋😋「🦪潮州蠔烙」正宗嘅蠔烙唔等於蠔餅～蠔烙薯粉會落多啲會煙靭啲～咁佢哋呢度就做得非常之出色👍🏻中間煙韌而邊邊亦都非常脆口～鴨蛋味香而且啲蠔又大大粒，調味鮮得來又唔會好鹹～如果佢地有埋水瓜烙，我肯定佢哋都會整得好好食👍🏻👍🏻「🥢潮州蠔仔泡飯」佢哋呢一個蠔仔泡飯嘅味道偏鹹同濃味～蠔仔亦都夠多又大粒，係好食～不過整體嘅質素就係似潮州街邊檔口嘅口味～未去到潮州酒樓嘅質素，所以價錢上我略嫌覺得佢貴咗少少～「💜福果芋泥」福果即係白果，佢哋呢一個芋泥又係大大力推薦🌟好正宗！明顯加入咗豬油撈起～香軟幼滑，超濃郁嘅芋頭香，但又唔會好甜～用佢嚟結尾，非常滿足😋…查看更多

第一次嚟試咗5個餸，2款湯。見每枱都必點花甲 就點個例牌！真係好食😋潮州蠔烙同手打墨魚腐燘白菜必點🫡隻雞就一般般，肉質ok，但味道一般。胡椒豬肚湯個胡椒味好重，檸檬鴨湯都不錯…查看更多

名不符其實見到IG 小紅書講到勁高性價比，就去一試第一樣野，問個老闆娘，係咪有滷水拼盤，佢答我地，自己每樣野散叫再拼埋一盒= 拼盤，個下我已經o左嘴之後再睇menu, 散叫一隻鵝掌要$129？？？ 留意返係一隻 (睇返下面張圖)吾講我以為鑲左金😂 咁ok, 照叫啦，唸住應該會好好食😅但食落同平時60 70蚊一大盒街邊鵝掌無咩分別😂。。。 第二樣野，所有野食都幾咸下😂 叫左蠔餅，魚腐津白，蠔仔湯飯，食完係覺得好口渴🤷🏽‍♀️em... 只能夠講可一不可再一定吾會再幫襯。。…查看更多

慕名而來這間頗紅小店，8人一圍，叫了幾個網上及店員推介的小菜，也不錯，傳統潮州風味！但提一句，不要點大鍋的湯！點了一鍋胡椒豬肚湯，盛惠$268。熱辣辣，很驅寒！可惜，只有8小塊豬肚，幾片咸菜！湯杓下去，只有水和胡椒碎！搵笨！！如果要試，不如叫幾碗，每碗價值$38，相信性價比更高，至少不至於杓下去是水，全是水！補充：胡椒湯頗辣，不是人人能接受，座中老人和小孩就受不了。…查看更多

好蔡館呢間餐廳既老闆，係好酒好蔡既創辦人蔡昊既哥哥開！但價錢當然比較之下好蔡館係性價比上做得好啲呢日六個人食左螄蚶、花甲、蠔烙、淨雙角、蜆仔炒飯、墨魚腐、滷水鵝片拼鵝肝鵝腸、反沙芋。可以參考圖🤣全部菜色一律咁講，好考功夫，好有心機。但係味道上真係未到驚艷，普普通通。細心位：花甲同螄蚶都會好好咁分開一半，排得整齊之餘係一粒沙都冇；反沙芋大家都知，要將容易散開既芋頭加糖，由糖水炒反做粒粒分明既反沙芋；蜆仔炒飯雖然冇影底，但係呢佢啲蜆仔係細粒到好似飯咁，要做到啖啖炒飯都有蜆，師傅要逐粒挑出黎先炒到一客🫣味道上：整體偏向潮式，可能真係唔係好岩我個人口味，有少少淡口，食食材本身味道。未去到之前食合時小廚個種道道都好好食好出色既感覺🥲未搵到好好既形容，但係值得去一次試既！最推介菜式：滷水鵝片拼鵝肝鵝腸，因為個鵝肝真係做到好滑身冇筋，仲要個鵝片係唔老，又唔會肥到得脂肪🥹鵝腸又係超爽身，整得岩岩好！…查看更多

📍好蔡館精緻潮州菜館，最受歡迎（打卡🤣）嘅菜式係一大碟蜆，排得靚靚仔仔，的確幾打卡able～蜆開胃、酸酸甜甜嘅陳醋味，但味道普通，亦都好視乎個人鍾唔鍾意食陳醋味；鹵水鵝肝creamy好食，唔會好鹹，兩個人食份量剛剛好，未到好膩；蚵仔泡飯味道正常，蚵仔都大粒鮮甜，亦都係啱啱好熟，幾嫩；鹹檸檬鴨湯推薦！估唔到兩個味咁夾，鹹鹹地同時清甜～飲完喉嚨幾舒服🫣😂😂價錢：$～750#太子 #太子美食 #潮州菜 #潮州美食…查看更多

完全唔知呢個位有間潮州野！入面座位唔算太多，事前訂左座入到去都唔洗等，整體上唔錯！記得呢間淨收現金！🐚花甲 - 黎之前見到大家都係打呢一個卡，佢有細/例/大，今次叫左細。花甲尺寸同想像中差唔多，味道甘甜，但估唔到佢係暖暖地😂🥘潮洲蠔烙 - 是日最好食！上到枱勁熱脆脆地，啲蠔脹卜卜，係其中一個食過最好食嘅蠔餅🪿滷水鵝肉、鵝肝 - 呢個就比較普通，鵝肝唔錯但再肥啲會好食啲———————好蔡館 @thehkitchen_ 📍太子廣東道1237號地舖🕣12:00-21:30💸~80HKD/pp…查看更多