意粉狂熱 (屯門時代廣場北翼)

營業中

休息中

囡囡今次想食pizza同意粉，所以我哋就去咗意粉狂熱，一次過滿晒足佢2個願望。呢到有主餐牌同日本帆立貝餐牌，我哋就揀咗1. 日本產帆立貝配蒜蓉蕃茄鮮製寬麵寬麵沾滿蒜蓉蕃茄醬汁，寬麵底部有一條爽口蘆筍，碟面灑上芝士碎點綴，賣相一流！鮮製寬麵煙靭彈牙，入口帶有濃郁蕃茄味及淡淡蒜蓉香，而4粒帆立貝爽口又彈牙。2. 照燒雞蛋黃醬披薩因為只得我同囡囡兩人食用，所以最後只點細份嘅披薩。細份披薩為長方狀，預先切割成3份，但會附上披薩刀，自行切割成更細件，方便食用。披薩記得襯熱食！薄底披薩鬆軟，照燒雞嫰滑又juice，再配上蛋黃醬，令披薩入口有滿滿醬汁感。3. 脆炸薯角這主要係點比囡囡食嘅，香脆而不太咸。4. 意式炸魷魚圈配他他醬一份4件，炸得香脆可口，魷魚圈唔靭，沾上他他醬後，令炸魷魚圈入口不油膩。5. 士多啤梨桃沙冰囡囡話要點呢杯沙，粉紅色沙冰確係吸引嘅！而且係沙冰頂上有忌廉，賣相立即加分。雖然唔太飲得出桃味，但士多啤梨味好香，好睇又好飲呀。6. 玫瑰蜂蜜果茶呢壺果茶落咗唔少玫瑰，賣相高雅，玫瑰及士多啤梨清香，入口帶淡淡蜂蜜味。我同囡囡都好滿意呢一餐呀！下次嚟可以嚟食吓佢哋個帆立具意大利飯。