影片
更多
2023-03-24
186 瀏覽
由唔使排隊，食到今次排咗一個鐘先食到嘅呢間車仔麵，人哋食嘅可能係佢嘅特色，我食嘅就係一份情懷。.叫咗鎮店之寶，蕃茄薯仔湯底，配上幼麵，冬菇牛肚同牛筋。湯底真係非常之香好好好食，薯仔好淋，有嗰種喺屋企媽媽煲湯嘅感覺。相對來講就會覺得啲餸有啲普通都好味嘅，但係有少少比下去嘅感覺。.另外仲叫咗另一個特色湯底，就係喇沙啦，配上平時好少擺埋一齊嘅銀針粉，咁就可以用匙羹一啖過食晒粉+湯😋 叫呢個湯底本身就送咗啲豆卜，吸滿晒喇沙嘅味，正！.餸方面我就叫咗推介嘅辣魷魚，蠔仔煎蛋，布包豆腐。辣魷魚係都幾辣，惹味到越食越想食。但相對嚟講蠔仔煎蛋就有啲失望，比起當年遜色咗。布包豆腐都有驚喜，原來係滷水嘅，仲有兩大嚿好抵食。.同場我哋當然仲叫咗非常之出名嘅叉燒串呀，係真係好香好食Juicy嘅，不過個價錢就唔Juicy啦😛.最後我哋埋單咁樣要$180幾蚊，食個車仔麵要呢個價錢，仲要排一個鐘隊，偶爾食吓都OK嘅。
.
叫咗鎮店之寶，蕃茄薯仔湯底，配上幼麵，冬菇牛肚同牛筋。湯底真係非常之香好好好食，薯仔好淋，有嗰種喺屋企媽媽煲湯嘅感覺。相對來講就會覺得啲餸有啲普通都好味嘅，但係有少少比下去嘅感覺。
.
另外仲叫咗另一個特色湯底，就係喇沙啦，配上平時好少擺埋一齊嘅銀針粉，咁就可以用匙羹一啖過食晒粉+湯😋 叫呢個湯底本身就送咗啲豆卜，吸滿晒喇沙嘅味，正！
.
餸方面我就叫咗推介嘅辣魷魚，蠔仔煎蛋，布包豆腐。辣魷魚係都幾辣，惹味到越食越想食。但相對嚟講蠔仔煎蛋就有啲失望，比起當年遜色咗。布包豆腐都有驚喜，原來係滷水嘅，仲有兩大嚿好抵食。
.
同場我哋當然仲叫咗非常之出名嘅叉燒串呀，係真係好香好食Juicy嘅，不過個價錢就唔Juicy啦😛
.
最後我哋埋單咁樣要$180幾蚊，食個車仔麵要呢個價錢，仲要排一個鐘隊，偶爾食吓都OK嘅。
張貼
