Cafe Addict (已結業)

見到新開，食評唔錯，又有蛋糕推介，所以booked了來慶生。滿心歡喜，可惜到了餐廳才發覺，大家推介的迷你蛋糕下午茶太好賣，已經賣哂。咁唯有飯後再食其他生日蛋糕啦。因為查詢店內有的蛋糕，形容像是比較細點。叫了2個正餐，2個小食，2杯嘢飲。環境ok嘅，但有少少蚊滋擾攘。嘢食方面，味道食落係冇問題嘅，都正常。但雞翼食時就有少少倒胃口，因為個尖仲有好多毛毛。 好彩我唔鍾意食尖位。嘢飲方面，奶昔味道不錯，唔算太甜。杯抹茶tonic 飲落幾有新鮮感，因為我好少飲tonic嘢。重點嚟啦，當滿心歡喜以為食咗餐好後。沿路超慢行返去永安附近，已經覺得有點口渴，以為係天氣熱啫。大概2x 分鐘後，返到室內地方，飲咗好多水，都仲係超口渴。另一半飲茶都係一樣解唔到口渴感。仲要見佢流哂鼻水就知出事。因為佢都食開街外嘢，正常味精份量係冇問題的，食勁味精嘢就會流鼻水。跟住就食件細嘅芝士蛋糕，諗住解到啦，點知食完後口渴感仍在。返到室內後，短短1.5鐘，我1條友已經飲哂2支750ml水。已經飲到超飽，最後係食多2條重口味百力滋先解到。一向食開街外嘢嘅我都咁口渴，少食的都唔知點算。