利苑酒家 (時代廣場)

營業中

休息中

週三晚在時代廣場利苑吃了一頓晚飯，保持利苑一貫水準，食品普遍令人滿意。家鄉藕餅：藕餅做得很薄很香脆，咬下絲絲入「口」，不錯！蝦籽柚皮：柚皮肉厚亦夠腍，菜膽夠嫩，但蝦籽香氣稍嫌不夠突出。宮廷醬烤骨：賣相有點似東坡肉，但肉質腍而不膩，配上酸酸甜甜的宮廷醬汁，開胃惹味，混飯或沾上饅頭品嚐同樣理想。紅酒炆牛轉彎：所謂牛轉彎其實是牛膝，平時較少吃，牛膝既有肉香又帶點黏口感覺，骨頭當中亦滲上淡淡酒香，可以一試。雙冬炆青衣：上回在灣仔利苑吃的炆斑尾，那份美味仍在腦中。今趟想尋回那些年的回憶，卻遇上無斑尾的日子。經店員推介下，以原條青衣以同樣製法炆製，相比之下，魚肉當然較嫩滑，但還是回憶更令人回味！薑蔥蠔煲：薑蔥香口，鮮蠔肉厚美味，好吃！黃金蝦：黃金確是好吃，但蝦碌確是細小了一點，個別蝦隻肉質亦不夠結實新鮮。鹹魚粒臘腸煲仔飯：色水不夠均勻，焦香飯焦亦少，幸而味道還算不俗，屬冬日暖胃之選。P.S. 用渣打白金咭結賬滿$1,000送$200利苑現金卷。