利苑酒家 (時代廣場)

每年香港夏季餐廳周相信是不少熱愛美食的人士熱切留意和期待的，每年都可以在這段日子裡面以相對優惠的價錢試到這些優秀餐廳的美食。今回到了金筷薈餐廳試其餐廳周套餐，限定精選套餐由即日至10月12日在中環IFC和銅鑼灣時代廣場分店供應，晚市是燕窩海蝦晚餐。朋友回港，想吃中菜，於是選擇了燕窩海蝦晚餐作款待。蜜汁叉燒色澤油亮誘人，蜜糖的香甜完全滲入軟嫩的叉燒之中，叉燒屬半肥瘦。蓬萊素鵝的腐皮炸得金黃香脆，內裡的香菇餡料鮮香多汁，口感層次豐富。蟹肉雞蓉燴燕窩羹底溫潤順口，燕窩滑嫩，與絲絲蟹肉和雞蓉同燴，鮮美又滋補。意式脆皮海蝦扒外層酥脆非凡，內裡的大蝦肉質緊實彈牙，搭配西式風味，頗有驚喜。如意煎海魚球火候控制得恰到好處，魚肉鮮甜細嫩。鑊仔德州牛柳煎得肉香四溢，口感軟腍，肉味濃郁。原盅泡菜苗以高湯煨煮，菜苗爽脆。魚香肉末蒸飯溫度足，肉末的鹹香加入挺身的粒粒米飯中，再加點豉油增味，簡單又滿足。甜品是足料綠豆沙。飲品可選紅、白餐酒或橙汁，橙汁是鮮榨的。整體上套餐食物搭配得宜，特別要讚服務，餐堂上由經理到侍應及傳菜的都十分有禮貌👍🏻…查看更多

今日過嚟銅鑼灣做嘢，誤打誤撞泊咗架車入時代廣場，咁求其睇吓有乜嘢食，上面果幾層睇落酒樓多，揀咗想試好耐嘅～利苑。蝦餃～正常味道，細細粒粒，有啲似廣東一口雲吞，一啖一個，沒驚喜，咁如果比較「太子得獎」蝦餃好多。芋絲脆春卷 ～咁佢又無講錯，脆春卷佢真係做到，但芋絲就差啲，第二張相係橫邊～無咬過，我會覺得佢係炸咗入面層先再包多層炸？所以導致入面果層芋絲「硬晒」，無晒層次？蘿蔔糕～正常水準，食到一絲蘿蔔，臘肉亦夠，收貨。干炒牛河～一放底，係有陣鑊氣衝過嚟，又有一陣香味，急不及待夾嚟食，佢係有鑊氣～但唔知係咪想啲客健康啲？唔夠味，牛肉口感又「鞋」咗小小小小，係真係小小，油又多咗小小，真係成口油，正常我唔會咁挑剔，但你哋收$145/碟，我就要要求高啲。個個都話佢係天花板，咁可能係晚晚炒餸，今日淨係試咗茶市，無乜驚喜，咁喺銅鑼灣價錢高啲又喺正常嘅，但以我呢啲cheap精嚟講，質素真係好一般。回頭度～3/10以上純粹個人食後分享，本人絶無收受任何利益或優惠，亦對以上言論承擔所有責任。…查看更多

利苑啲蝦餃真係好好食，粒粒都好多蝦，個皮都晶瑩剔透。小籠包都皮薄多汁，肉質鮮嫩可口。芋盒炸得金黃酥脆，香口惹味。馬拉糕完全帶出了古法既味道，食過會翻尋味。可惜叉燒就略微遜色，因為有筋，而且偏向肥，肉質都滑但感覺鬆弛。餛飩雞湯感覺高品質，湯熬煮得十分好喝，是用一隻完整的雞熬的，餛飩都和雞湯都很配。#利苑酒家 …查看更多

當日時代廣場人煙稀少，呢間叫做多食客啲。我們被安排坐近厨房位置，油煙味傳到出嚟，真係要整理吓！我哋叫咗個$888二人套餐，再加沙薑鳳爪。沙薑鳳爪大隻肥美，比想像中淡味。前菜：秘製滷水鴨舌、金柱貢菜鴨舌平平無奇，尚算入味。貢菜微辣爽口，很開胃！蜜汁叉燒香口燶邊，肉腍，甜度適中燒腩仔皮脆肉嫩，唔鹹。自選兩個小菜：雙冬炆海班頭腩，份量足，但班腩唔係新鮮，用好多粉包住。咕嚕雞球，睇落細碟，其實有四大件雞，雞肉滑，略嫌酸甜味唔夠。是日燉湯：耆黨燉當羊奶白色的湯，材料豐富，好香當歸味夠晒暖胃。炒得乾身，臘味粒唔少，偏甜，個人喜歡鹹香味多啲最常食的飯後甜品，甜度正常，杏仁味一般。試過幾間利苑，呢間係最普通，冇乜嘢值得回味！…查看更多

由細到大都有幫襯，各間分店都有捧場，過年過節都會有派利是，都知道集團嘅員工質素有參差，只是想不到可以變得咁差！唔好怪香港人北上搵食遊客都唔嚟啦！你哋今时今日嘅服務質素同態度！我寧願幫襯其他地方都唔會再去睇你面色！人在江湖！你哋唔好以為自己仲係以前嗰啲利苑！…查看更多