四點金飯店

營業中

休息中

很久沒去食潮州食品，但每次食都一定會去四點金，除左價錢公道，服務好，坐位都舒服，最緊要係屋企樓下，近，叫朋友黎陪我食，今次2個人，去到見到個餐牌$338超低呀…～杏汁白肺湯加$20，個湯的杏汁好飲到會飲到個杏味好重，好好飲，份量都大煲,我跟朋友每日飲左2碗半…飲湯都飲飽～潮州凍烏頭，條魚份量都夠啊…但可能我唔太慣凍食，覺得味道一般，要點黃豆醬先有味，下次叫煎魚，會較啱我。～咕嚕炒潮州粿肉，好耐無食過粿肉，諗住試吓，碟餸炒出黎係美觀，但唔知係咪粿肉同咕嚕個味道唔太夾，有些怪怪地，下次試其他先。～鹵水鴨拼盤，佢個鹵水真係，好好食，仲叫左碗白粥一齊食先配搭，好味道，拼盤又擺得好精美。唔知係咪同朋友，一路食一路傾，我地再叫左個薑蔥生蠔煲，個煲蠔焗到很嫩，很甜美，但蠔好似唔太多，好似得6隻，不過，都好食。最後甜品出場啦…蛋散一份，每次我食完飯，都必定食埋甜品先叫完美。