馬祖台灣養生湯麵館 (V Point)

營業中

休息中

今日去開銅鑼灣登龍街附近，見到馬祖台灣養生湯麵館有分店喺銅鑼灣，所以走入去食。叫咗兩個一人商務套餐，小食揀咗上湯浸時菜及鹽酥濃汁手作牛丸。主菜揀咗特A級花枝丸拼白菜豬肉餃米線，同埋藥膳養生湯農場雞米線。餐飲就揀咗愛文芒果茉莉花茶同埋蜂蜜茉莉花茶。先講小食，上湯浸時菜揀咗生菜，相當有藥膳味而且生菜亦都好新鮮。鹽酥牛丸有三粒，因為鹽酥嘅關係所以特別惹味同埋香口。2碗養生湯麵個湯底 超濃郁藥膳味， 感覺食完都暖笠笠而且材料豐富又足料，唔怪得門口咁多人排隊黎食。兩杯飲品都好有台灣特色嘅味道，所以食台灣養生麵，我一定會嚟馬祖。