影片
更多
2021-09-15
278 瀏覽
食日本嘢多多都唔會厭，今日放工又同朋友喺沙田區內搵咗間日本菜試下～入到去鋪頭都幾窄，容納到20人左右，好彩我哋喺6點半就嚟到，如果唔係可能要排隊等位。個menu好厚，啲食物影落去好鮮色同吸引，好似睇緊catalogue咁！4點刺身盛A ($198)三文魚好厚切，食落去好滿足，可惜得三嚿。廣島蠔好有鮮味。之前未食過章紅魚，食落去比想像中厚實同煙韌，又有八塊咁多，推薦！甜蝦就正常水準。北海卷 ($132)有海膽、三文魚籽、吞拿魚嘅壽司，一口好難食得晒，所以我哋都係分拆咗上下出嚟食 🤣 食落去嘅時候融為一體，而下面壽司飯點醬油咬落去嘅時候發現有青瓜絲，幾意想不到但幾match！泡菜黑豚腩鍋 ($98)我哋差唔多最尾先食呢個，雖然金菇今次唔係主菜，但我好似未食過咁爽口嘅金菇！食落去完全唔痴牙，好正！成個鍋都冇揸流攤，泡菜真係有泡菜味，令到個湯底都好飲咗，唔錯！燒日本廣島蠔蒜蓉燒 ($54)刺身食咗蠔，試埋燒蠔。蠔嘅鮮味仲喺度，加埋蒜蓉唔會太腥，正合我心意。金蒜燒日本米茄子 ($48)嚟到嘅時候wow咗一聲，因為都幾大碟下，又好香。食第一二嚿覺得好味，但第三嚿開始有啲滯，可能係落咗太多油加蒜嘅關
入到去鋪頭都幾窄，容納到20人左右，好彩我哋喺6點半就嚟到，如果唔係可能要排隊等位。
個menu好厚，啲食物影落去好鮮色同吸引，好似睇緊catalogue咁！
4點刺身盛A ($198)
三文魚好厚切，食落去好滿足，可惜得三嚿。廣島蠔好有鮮味。之前未食過章紅魚，食落去比想像中厚實同煙韌，又有八塊咁多，推薦！甜蝦就正常水準。
北海卷 ($132)
有海膽、三文魚籽、吞拿魚嘅壽司，一口好難食得晒，所以我哋都係分拆咗上下出嚟食 🤣 食落去嘅時候融為一體，而下面壽司飯點醬油咬落去嘅時候發現有青瓜絲，幾意想不到但幾match！
泡菜黑豚腩鍋 ($98)
我哋差唔多最尾先食呢個，雖然金菇今次唔係主菜，但我好似未食過咁爽口嘅金菇！食落去完全唔痴牙，好正！成個鍋都冇揸流攤，泡菜真係有泡菜味，令到個湯底都好飲咗，唔錯！
燒日本廣島蠔蒜蓉燒 ($54)
刺身食咗蠔，試埋燒蠔。蠔嘅鮮味仲喺度，加埋蒜蓉唔會太腥，正合我心意。
金蒜燒日本米茄子 ($48)
嚟到嘅時候wow咗一聲，因為都幾大碟下，又好香。食第一二嚿覺得好味，但第三嚿開始有啲滯，可能係落咗太多油加蒜嘅關係，食落去變咗蒜同油係主菜，可以試下落少啲油，健康啲之餘又可以食到呢味小菜嘅主角——茄子。
今餐食到好飽，成個肚漲住咁走🎉
張貼
