大井町日式放題 (已結業)

回想起昔日食極都唔肥嘅日子, 真係好嚮往~ 正所謂人生得意須盡歡, 今次余媽媽一於去食放題“盡歡”先! 今次同老公到左荃灣大井町日式放題勁食一餐! 因為我地都好鍾意食日本野, 放題啱晒我地心水! 可以任飲任食2小時~ 我地晚上七點幾到餐廳已經有相當多人等候, 估計應該質素應該有保證^^ (呢張相係離開前拍的) 天氣很熱, 第一時間去拎飲品解吓渴~ 維他奶、啤酒、汽水、日韓品牌飲品應有盡有~ 想飲果汁也有多種選擇! 呢度嘅食物選擇多不勝數,壽司、軍艦、卷物、手卷、 刺身, 種類也很多, 當中不乏有特色的款式, 其中一類叫創作壽司,賣相可愛, 都是呢度獨有^^ 壽司飯是微暖且軟, 好新鮮!加上不會太大件, 啱啱可以一口吃一件^^ 刺身賣相不錯, 沒有雪味, 頗新鮮, 仲有我的至愛“赤蝦”, 清甜爽口~ 白豚肉也是平時少見, 一定要點! 我們還點了一些燒物和炸物~ 燒羊架厚薄適中, 肉質香嫩, 唔會太肥, 入口juicy! 台灣一口腸很有台灣風味,食少少過吓口癮! 老公一向鍾情青魚,今次唔洗落檸檬汁都好香脆, 肉質幼滑~