黯然燒魂

營業中

休息中

大坑做串燒店，競爭比較大，附近有不少日式港式串燒店。今日假日，一家三口大概5:00喺大坑附近覓食，不過5:00開夜市嘅餐廳真係少之又少，就嚟咗呢間黯然銷魂店。咁好彩，佢仲有下午茶時段，我覺得下午茶都算好抵食，大概四十幾$50 ，可以食飯或者係炸雞翼薯條配杯檸茶。我哋叫咗吉列豬扒飯，啲豬扒都L淋同果皮都脆，不過整體而言就炸得燶左少少。因為家住大坑，大坑嘅茶餐廳真係少之又少，做下午茶嘅簡直萬中無一，所以都推介呢一間食下午茶。佢個炸芝麻雞翼都好味。另外叫咗串燒，例如牛舌，牛肋串，黑豬肉，粟米，白鱔。我覺得味道一般，串燒調味料比較單調，當中比較好味嘅係白鱔，佢好肥美。牛舌好多筋，黑豚肉同平時醃左既豬肉咁，唔算好味。