燒烤堂

營業中

休息中

有冇人同我一樣好鍾意食串燒嗰個氛圍感！就算唔飲酒，嘆杯梳打都覺得好鬼正！A bit noisy嘅音樂，可以盡情地吹水講是非🤣呢間串燒店價錢算十分公道，就算位於港島區區，價位同旺角嗰啲都差唔多，所以我都成日嚟幫襯。孜然豚肉芫荽卷👉🏻見到豚肉中間芫荽嘅份量，就知道係芫荽迷不能錯過！每一口都可以充分feel到芫荽味一下就衝上來，隨後嘅孜然味緊隨交纏，肥美嘅豚肉再增添少少油花香！蜜糖燒雞中翼👉🏻雞翼夠晒肥美和大隻！一咬開還會爆汁漏油真係勁吸引！想要惹味嘅還可以揀香辣雞中翼。鹽燒白鱔👉🏻白鱔肉質夠厚夠大條，所以食起嚟魚油特別豐富，燒過嘅魚皮特香脆💯川燒蒜蓉茄子 👉🏻茄子🍆無論去到邊都一定要整返條！最鍾意佢原條燒，識食一定係將一整片肉就成梳咁卷埋啲蒜蓉嚟食，辣辣地夠晒香口！明太子雞腿肉👉🏻勁多明太子醬，雞髀肉又夠滑，超好味！泰式豬頸肉👉🏻肥美得來好香口，點辣辣泰式醬，非常夾之餘仲可以減低油膩感！明太子燒飯團➕蟹膏飯團👉🏻滿滿醬油醬汁嘅飯團，兩邊煎得香脆，上面淋滿明太子和蟹膏醬，鹹香感十足，飯焦好正好似薯片一樣薄脆。甜奶牛油包👉🏻好鬼好食！烘過外脆內軟，再加埋牛油同甜奶，夠晒香甜！