德美壽司

營業中

休息中

星期六中午搵食，還有10分鐘就係12點，見冇咩人排隊，就試吓啦，人剛坐下就即刻送上沙律之後先送上茶，單都未落再嚟個湯，服務非常快速，睇咗一陣餐牌，樣樣都好吸引，最終我叫咗個lunch set 十貫，即係十款唔同嘅壽司套餐，可能我較遲落單都等較耐時間才有得食，呢到嘅壽司全部都係得一個師傅手做，所以壽司餐等較耐。十貫套餐到，第一眼已吸精擺放好好，魚生望落好新鮮，跟住開始食壽司，飯嘅軟硬度好好，亦不會太大舊，味道不會太酸。魚生好新鮮，厚度適中，吞拿魚容份量十足，連下面舊飯都差啲承擔唔到，另外海擔同三文魚子比我想像中非常足夠，味道好鮮甜。下次我會晚餐時段會再嚟一次。