陳六記飯店

營業中

休息中

是日打風，原先在家中想好好清理食評，誰不知損友來電臨時約食飯，拉隊上上水街市食燒鵝，點知因為8號風球所以無開。左諗右諗，反正已經出門，點都要醫肚，走去陳六記踫運氣，果然有開。雖然是打風日子，店內依然多人。蒜茸炒通菜用的是水通菜，體形較大，亦都比較爽口，加上夠鑊氣，好味。豉椒鵝腸用的是新鮮貨，所以份量一定少，佔了大半碟都是青椒跟洋蔥，幾香口，入口脂肪位豐腴甘香，即時要來一杯啤酒下菜。煎蠔餅當然及不上潮州店的出色，蠔的份量少，而且太乾身，不大欣賞，夾了兩箸便放棄。小炒皇飲啤酒最好是來一碟小炒皇，餡料都是蝦乾、甜椒、蝦仁、青椒及土魷之類香口貨，再在上面放上大量腰果，一邊吃一邊聊天，而店外是橫風橫雨，情景幾有風味。欖角蒸鯇魚魚肉蒸得恰到好處，幾滑溜。一杯啤酒幾碟菜，足足消磨了一個晚上。