金金日式燒肉店

營業中

休息中

8號風球前夕，唔理係咪真係打得成，照去食燒肉嘆下先😆呢間位於銅鑼灣鬧市嘅樓上鋪，地點超方便，就喺SOGO對面，地鐵站出口過條馬路就到啦😄餐廳環境唔錯，座位都多，但就唔係好擠迫嗰種，另外仲有一間VIP房比大家約埋朋友一齊飲飽食醉，餐廳有唔同嘅set可以選擇，比較大食啲嘅朋友可以揀佢哋嘅放題，咩都唔洗諗，全部都有😋基本上餐牌上嘅肉類大部份我都有試，我自己就比較鐘意鹽燒嘅味道，包埋生菜食就冇咁油膩，咁就可以食多幾塊牛牛啦🤭同埋要特別一讚，呢度上菜速度快又唔會漏單，而且由門口接待知道傳菜嘅員工都好好禮貌同好好笑容👍🏻