影片
更多
2018-06-13
959 瀏覽
都唔知點解，硬係要風大雨大先至出嚟聚餐。不過好彩今日我地早左2分鐘行到過嚟，因為我哋啱啱行到餐廳嗰陣時有一陣超大雨。我有啲同事就係遲咗幾分鐘過嚟，連衫都濕晒。其實我哋個team都嚟咗呢度食晏好幾次，就算唔係 full house，都只係剩返一兩張枱。可能因為落雨嘅關係，所以餐廳冇乜人。唔知係咪因為太耐冇黎，定係記錯價錢，我心目中佢一個set只不過係大概HK$250，一見到要HK$318，都俾佢嚇咗一跳。呢間餐廳嘅特色，就係個餐牌冇得揀，只有一個set lunch，冇其他㗎啦。反而飲品就有好多可以選擇。首先嚟咗個合桃牛油生菜，合桃有少少咬口，牛油生菜加埋沙律醬非常軟滑。好味！再嚟餐廳個主角，牛扒。但係由於我掛住傾計，所以唔記得咗影就開始咗食。唔好意思。我哋有啲同事叫咗medium 有啲叫咗medium rare。7件牛扒分開兩碟上，medium 一碟，medium rare一碟。但係由於我哋食medium/medium rare 嘅人唔係坐埋一齊，所以我哋要掉位。雖然佢都有提議幫我哋掉左牛扒嘅位置，但係我哋都係覺得我哋掉位方便啲。牛扒食落去幾林，但係唔會係醃咗啲肉嗰種肉質。值得一題就係啲
其實我哋個team都嚟咗呢度食晏好幾次，就算唔係 full house，都只係剩返一兩張枱。可能因為落雨嘅關係，所以餐廳冇乜人。唔知係咪因為太耐冇黎，定係記錯價錢，我心目中佢一個set只不過係大概HK$250，一見到要HK$318，都俾佢嚇咗一跳。
呢間餐廳嘅特色，就係個餐牌冇得揀，只有一個set lunch，冇其他㗎啦。反而飲品就有好多可以選擇。首先嚟咗個合桃牛油生菜，合桃有少少咬口，牛油生菜加埋沙律醬非常軟滑。好味！再嚟餐廳個主角，牛扒。但係由於我掛住傾計，所以唔記得咗影就開始咗食。唔好意思。我哋有啲同事叫咗medium 有啲叫咗medium rare。7件牛扒分開兩碟上，medium 一碟，medium rare一碟。但係由於我哋食medium/medium rare 嘅人唔係坐埋一齊，所以我哋要掉位。雖然佢都有提議幫我哋掉左牛扒嘅位置，但係我哋都係覺得我哋掉位方便啲。牛扒食落去幾林，但係唔會係醃咗啲肉嗰種肉質。值得一題就係啲牛扒一定要點佢嗰啲秘製醬汁，絕對係有將牛扒嘅味道提升左一大步。可以咁講，以一個唔係咁貴嘅價錢來講，呢度牛扒可以話係top notch quality，絕對係值得我俾五星嘅食物。
我有個同事覺得佢個塊medium牛扒太過生，侍應主動走過來話幫佢煮返熟啲。
法國餐廳裏面嘅薯條，當然係比較幼身嘅 French fries。雖然我唔係食咗好多薯條，不過薯條絕對任食㗎，如果你唔夠飽可以叫佢俾多啲你！
最後係個甜品，係杏仁餅。可能對甜品冇乜期望同埋見佢個樣硬硬地，又竟然有驚喜，味道唔差，杏仁味唔會太濃，加埋啲cream一齊食，唔錯。
最後講下餐廳嘅佈置，餐廳內有好多畫畫左喺場上面，而畫嘅內容我一啲法國嘅建築物為主。加上餐牌同埋枱面嗰張紙都有一啲手畫圖案，我都幾鍾意呢一種嘅裝飾。店內仲有一啲特色嘅燈同埋有好多梳化，令到佢有一啲法式小店嘅感覺。
總結
- 可能因為落雨，餐廳冇乜人
- set lunch 好似加左價，不過加左價我都覺得係值得
- 推介: 合桃牛油生菜、牛扒、牛扒秘製醬汁
- 雖然侍應話幫我哋掉左牛扒嘅位置，我哋都係決定掉位去就啲牛扒
- 同事覺得塊牛扒太過生，侍應幫佢煮返熟啲
- French fries 係任食㗎
- 杏仁餅出奇地好食
- 用咗好多手畫嘅畫來做佈置，包括牆身，餐牌同枱面嘅紙，加上一啲特色嘅燈同梳化，令到有一啲法式小店嘅感覺
合桃牛油生菜
112 瀏覽
0 讚好
0 留言
牛扒
158 瀏覽
0 讚好
0 留言
任食薯條
175 瀏覽
0 讚好
0 留言
杏仁餅
171 瀏覽
0 讚好
0 留言
張貼
