韓川

營業中

休息中

🌸韓國金蠔（6隻）｜$158平時比較少機會食到韓國生蠔，今日一試竟然有驚喜。每日生蠔都肥美飽滿，鮮味爽口，食到海水鹹香味。瑤柱部分比較大粒，所以食落比平時一般生蠔更有咬口。估唔到韓國生蠔咁高質～🌸精選二人餐｜$398🌼真露焗蜆蜆肉飽滿鮮甜，酒味唔重，粉絲焗得好軟淋吸晒蒜蓉既味道。🌼韓川菜包五花腩腩肉3分肥7分瘦，底部會有保溫用既蠟燭爐，雖然肥肉部分所佔比例唔多，但因為一直有保溫所以肉唔會變硬變鞋。表面灑左孜然粉令五花肉更惹味，連埋生菜、配菜一齊食，食完都唔覺得膩。🌼韓式炸餃拼盤（泡菜餃*2 粉絲餃*2 雞皮餃*2）炸餃炸到金黃色脆卜卜，最中意雞皮餃食落勁juicy。🌼溫泉蛋虎蝦芝士湯烏冬兩隻虎蝦好大隻，芝士味淡淡地，有好多粟米粒，烏冬軟滑彈牙。🌼兩杯餐飲主要以韓國汽水為主，我地簡左韓國啤酒要另加$。