影片
更多
2023-10-23
274 瀏覽
聽日放假，行完街同老公簡簡單單食完飯再返屋企，旺角呢間小炒店裝修簡樸但有不少捧場客，應該食物不錯，入去試吓。紅燒BB乳鴿$78好耐冇食過，見到menu 幅相，被吸引點了一隻，BB鴿皮好脆，燒得幾香。Xo 醬碧綠炒蝦球$158紅紅綠綠好吸晴，蝦球有8隻，而且大隻，炒既火候拿捏度唔錯，食落爽口彈牙X O醬惹味又入味。椒鹽九肚魚$108 椒鹽味足，幾有大排擋風味，個人認為椒鹽同九肚魚比例做得好好，食落唔會太鹹太辣，好惹味。九肚魚粉漿好薄，炸得香脆，唔會好油膩，九肚魚都幾嫩滑，如果條魚再粗身啲就更好。咸魚雞粒炒飯$108之前幾樣炒得咁好，自然對炒飯有期待，炒飯夠乾爽，粒粒分明好鑊氣，蛋夠香，雞粒用料都多，2個人食，好飽。鍾意食重口味嘅我，覺得如果鹹魚粒再多少少就完美。點了三樣餸加碟炒飯，兩個人食得好滿足，又飽又好味。
紅燒BB乳鴿$78
好耐冇食過，見到menu 幅相，被吸引點了一隻，BB鴿皮好脆，燒得幾香。
Xo 醬碧綠炒蝦球$158
紅紅綠綠好吸晴，蝦球有8隻，而且大隻，炒既火候拿捏度唔錯，食落爽口彈牙X O醬惹味又入味。
椒鹽九肚魚$108
椒鹽味足，幾有大排擋風味，個人認為椒鹽同九肚魚比例做得好好，食落唔會太鹹太辣，好惹味。九肚魚粉漿好薄，炸得香脆，唔會好油膩，九肚魚都幾嫩滑，如果條魚再粗身啲就更好。
咸魚雞粒炒飯$108
之前幾樣炒得咁好，自然對炒飯有期待，炒飯夠乾爽，粒粒分明好鑊氣，蛋夠香，雞粒用料都多，2個人食，好飽。鍾意食重口味嘅我，覺得如果鹹魚粒再多少少就完美。
點了三樣餸加碟炒飯，兩個人食得好滿足，又飽又好味。
張貼
