泰瀾鑊 (北角匯三期)

營業中

休息中

北角匯呢度愈黎愈多唔同既野食，今日食呢間係泰菜，係北角匯地下，透光既設計，木系裝修有番泰國風味，仲有架篤篤車係門邊，好有特色。💋炒泰國椰苗椰菜苗夠晒新鮮，濃烈既草青味，炒得唔會過熟，椰菜苗仲係好爽脆，加埋啲紅椒，馬拉盞既味道貫穿每一條菜，咸香味十足！👅辣肉碎生菜包肉碎真係整得好碎，係免治日咁，醃得好入味，肉碎炒得好鬆散，唔會痴埋一團團，醃佐既肉碎同啲青瓜蔥頭一齊炒，咸咸酸酸，味道複雜，再用新鮮既生菜包住，特別開胃！👀火山排骨近期泰國既名菜，小小一盆已經同火山一樣，擺得好靚，排骨舊舊都好大舊，肉同筋連住啲骨，口感唔錯，熬煮到肉味出晒黎，亦好重蒜味，係好食既！