泰瀾鑊 (北角匯三期)

營業中

休息中

Very Bad Experience 👎🏻呢間餐廳每張枱低係有一盆蝦片 so call 前菜，本身都唔知道有呢一盤蝦片，點左菜等左超過20分鐘都冇上菜，四圍望睇吓其他枱上菜嘅情況，先發現原來每一台都有一盤蝦片，於是問服務員，先好唔情願咁俾我哋。十分明白平安夜外出食飯唔可以要求太高，先唔好講上菜慢（足足等咗超過45分鐘），個黃咖喱加拿大藍青口，一碟裏面冇20粒青口，但係有五粒係冇開口嘅，於是同服務員反映，佢哋完全唔覺得係咩一回事，聽完就算。肉鬆生菜包，一啲肉味都冇，啲肉鬆好似烚熟咁，坦白講真係未食過咁難食嘅生菜包。泰瀾鑊小食拼盆，餐牌寫到好似好大份咁，每款四件，絕對取巧，舉個例子，蝦餅兩件將佢一開二，咁咪四件，盛惠$198，極之唔抵食絕對冇下次，越嚟越明白點解香港人唔鍾意喺香港食嘢！本人外出食飯本着開開心心，冇咩特別嘢我都算，但係今次實在太過分，亦都係我第一次分享我對飲食嘅體驗，生菜包同埋小食拼盤我已經嬲到唔記得影相，但係所記錄的全部都係我第一身嘅經驗同事實🫶🏻

第二次嚟，雖然今次客戶體驗好差，但我都想客觀地讚賞佢哋嘅食物質素先。一去到首先每台都會比一碟蝦片先，今晚最欣賞嘅就係佢嘅「鑊仔黃金咖喱炒大虎蝦」，佢個汁做得好好味，不枉我哋特登嗌咗「香烤薄餅」同埋「金磚蒜蓉多士」撈嚟食，大虎蝦真係大大隻又厚肉，連當中嘅配菜例如青椒，紅椒洋蔥都好入味，都好好食。燒豬頸肉我覺得可以再燒耐少少，應該會再香啲。至於服務方面，今晚真係強差人意。6:44pm落單，去到7:20pm仲未有得食，足足35分鐘，同服務員講，一個男人嘅就話明白，另外一個身材略為肥胖嘅女士，仲更加木無表情，冇回答我。起初淨係嗌咗烤餅撈咖喱食，由於果汁太好味，多士係後加嘅，亦都再等咗20分鐘先至嚟到，當時餐廳唔係full晒，大約一半枱係有人坐，唔明白點解上菜可以咁慢？

前排經過見到北角開咗間泰菜 舖頭門口好靚，有室內同戶外，最鍾意食泰國菜嘅我決定要試吓！首先一坐低會送咗一兜蝦片 由於天氣好熱，二話不說叫咗一杯啤酒！見到附近有台叫咗蛋黃鮮蝦炒金邊粉 賣相不錯 所以都叫咗一個嚟試吓！ 蝦嘅份量大約有四隻爽口彈牙！不過飯嘅份量唔算多 馬拉盞炒通菜 味道正常發揮！清邁秘製串燒拼盤！ 本人認為雞比較好食！豬就較乾身！ 整體都不過不失！ 有機會去開北角可以一試

外賣送過黎果陣仲係熱既, 個豬頸肉鮮嫩又有脆口, 肥而不膩. 個雞翼勁香, 皮脆肉嫩好惹味, 十分好評!!!堂食服務好好!食完職員會即刻過黎收碗, 又會勁細心問我地洗唔洗添水. 果個蝦餅勁脆, 咖哩勁香辣, 個串燒食完完全唔覺得膩, 之後仲叫多左幾條黎食.

🍴 招牌泰式海南雞飯 $78 (7.3/10)好大份，仲有得叫多飯！雞肉嫩滑但冇乜味，冇雞味，靠個酸汁，個飯濕度剛好，微微薑黃味，下面有椰菜，好清爽，個湯係比較油嘅冬瓜湯，整體OK抵食。🍴秘制串燒雞（2串） $24 (7/10)雞好食啲，唔乾，個汁鹹鹹哋。🍴秘制串燒豬（2串） $24 (6/10)偏硬同乾，普通。🍴 香予雞翼（3隻） $24 (7/10)香脆唔乾，少少鹹味。🍴泰式凍奶茶$8 (6/10)正常，叫左走冰走甜，又做到👍🏻有少少茶味，偏淡，普通。推薦指數: 7.5/10朋友叫嘅豬手好嚡口肥膩，不建議，豬頸肉都ok。

帶了一大班朋友8人去食午飯，叫了很多菜。食爐魚煲極都唔熱，爐魚和冬蔭功湯要酸唔酸，要辣又唔夠，唔夠泰。就連基本嘢醉肉包生菜都唔好食。其餘就一般。本打算好食，未來可更多帶人去光顧。有點失望。

這家泰國餐廳的整體表現只能算是不過不失，雖然價格合理，但在多方面還有改進的空間。首先，我們點了濕炒河粉，但這道菜的鹹度實在過高，幾乎掩蓋了其他食材的風味，令人難以享受。其次，海南雞飯的表現平平，雞肉雖然算嫩滑，但沒有特別突出的香味或調味，飯的質地也有些乾硬，未能帶來應有的滿足感。此外，芒果糯米飯雖然口感尚可，芒果新鮮，糯米飯也有一定的黏性和甜度，但份量卻偏小。28元的價格對比其份量，顯得有些不值，讓人感到不太滿意。最讓人失望的是，這家餐廳竟然沒有設置廁所，顧客必須前往附近的公廁，這對整體用餐體驗帶來了相當的不便。整體來說，這家餐廳的菜色和服務都有一定的改進空間。如果他們能夠調整菜餚的調味、提升菜品的質量和份量，並解決廁所問題，將會是一個更吸引人的選擇。目前來看，只能說是一般，沒有太多亮點，但價格合理。

警世！非常唔建議大家食！🥲🥲諗住喺北角匯嘅餐廳 食物質素同服務都應該有保證點知真係中晒伏係我食過咁多間餐廳體驗最差最差嘅一間…..食物below average…無乜泰國風味 味道好差服務態度極差 服務員好無禮貌 同佢講嘢對答冇反應明明餐廳唔係好忙唔係好多人仲會扮睇唔到客人…..上菜嘅時候好奇怪…服務生唔將食物同飲品直接放落枱 要客人自己拎同屋企人食 大家都一致負評一定唔會再食🥲……仲要估唔到原來仲有其他分店大家真係小心🥲

今日想食青咖喱飯，咁啱呢間餐廳有，咁就order個青咖喱牛腩飯，點知返到去一開係青咖喱雞扒飯，明明張單清清楚楚寫住牛腩都出錯，好失望！ 食物質素係正常，份量亦夠，不過建議大家拎外賣時最好check清楚！

食過一次唔會再食，侍應態度差，落單吾洗用紙筆寫底，每次講一個餸去入電腦一次，雖然係嗰兩步路。餸落到枱吾會同你擺中間，放埋邊就係左8點幾入座同你講坐埋一邊，轉頭要撘枱，埋單走仲有把位。

北角打完羽毛球🏸搵食，同事泊車 🚗 北角匯，搵到三期地下間Thailand Wok，都9成滿，但都俾咗間VIP房我地，都坐得舒服😌，傾計都方便，未叫嘢食上咗炸蝦🍤片，唔知🤔收唔收錢，叫咗泰式生蝦（$148），8隻，好大隻好新鮮，蒜🧄蓉通菜🥬（$88），炒得幾香，菠蘿🍍海鮮炒飯（$128），唔係原隻菠蘿🍍，但菠蘿🍍粒甜，海鮮有蝦🦐、青口同魷魚🦑，都足料，叫咗蘭王煎蠔餅（$138），好大塊，足料，有蠔，有同事唔食辣，叫咗黃咖喱🍛牛腩（$128）配薄餅（$28），真係唔辣，香，甜品🍮芒果🥭黑白糯米飯🍚（$72），芒果🥭甜，黑白糯米幾煙韌有咬口，推

約咗朋友去北角食飯，有人介紹呢間泰國菜，去到見到滿座，好彩有預早訂位啫😅菜式選擇幾好，尤其係個泰國椰菜苗，唔係每一間泰國餐廳都有得食，個汁又唔會炒到好鹹。同埋個牛，果然係廚師推介，一定要試👍🏻。個🦐5隻又大又有🦐膏，仲比埋手套方便食客，食完對手唔使油淋淋。🦐餅都好香脆，唔會係好厚粉，內裹🦐膠做得好，唔會好淋，咬落去有口感👍🏻服務都幾好，好多一家大細，啲夥計都忙到踢晒腳，但係都好有禮貌，會再嚟！

Easter holiday餐廳都唔full 但係D食物好一般 冇其他食評講到咁好食 waiter服務態度好差 拎多個碗都一臉嫌棄既表情 一定唔推介俾朋友 亦都唔會再去呢度食嘢 小心中伏🙏🏻🙏🏻🙏🏻

🍴泰式炸雞丸 $24 (7/10)
正常雞肉丸味，唔鹹！
🍴秘製串燒雞 2串 $24 (7.5/10)
雞肉嫩滑，沙嗲汁幾香甜。
🍴泰式豬頸肉 $68 (87/10)
份量足，豬頸肉大塊香口，肉質彈牙，個汁酸酸哋幾好食～

🍴招牌泰式海南雞飯 $78 (87/10)
冇諗過咁大份，海南雞嫩滑，個汁酸酸哋幾開胃，個食係薑黃飯粒粒分明，唔錯的～湯係肉碎冬瓜幾清甜，肉粒大粒，勁飽肚又好食！

🍴三色冰 $12 (7/10)
三色波波好怪又甜，唔好食，椰汁正常。推薦指數: 8/10幾好食，下次想食炒河，午餐大份好食，可以飽足全日！

北角進駐咗一間新嘅泰國菜餐廳，甫開業都幾受街坊歡迎🔥有室內及室外位置，室外仲擺咗架tuk tuk🛺可以影下相🤣呢日同一大班親戚嚟食，提前book咗vip房，最低消費係$3000，可以做到十幾個人。菜式普遍份量好夠大，款式亦多，人均消費亦唔貴，不過菜式味道參差，坊間似乎有更多更好嘅選擇😅😅手打炸蝦餅熱辣辣好香口，蝦肉亦彈牙😗頂級蘭王蛋泰式鐵板蠔餅好大塊🤪中間拱起咗嘅部份其實係用雜菜係下面墊起咗。用上蘭王蛋，真係食到啲蛋味。口感方面偏向滑同軟身，我就偏好香脆嘅口感多啲🤔超足料香葉辣椒膏炒藍青口青口幾大隻，用微辣嘅冬蔭功醬去炒都ok😛火山排骨香辣惹味😙賣相亦吸引嘅火山排骨，可以慢慢用手套成隻拎起慢慢食。招牌泰式海南雞啖啖肉，點啲泰式酸辣醬汁惹味一啲，不過略嫌肉質唔算十分嫩滑，部分有少少鞋🙈泰式燒安格斯牛小排同樣啖啖肉嘅菜式，份量頗多。牛肉幾腍，不過本身塗上嘅醬汁比較多，搞到甜咗啲啲🫣鑊仔黃金咖喱炒大虎蝦賣相幾吸引，將虎蝦砌到成個塔咁，蝦肉都幾大隻爽彈😙泰式明爐魚（烏頭）大大條魚，有唔少肉，但魚肉唔算鮮嫰，比較鞋😕蝦頭膏鮮蝦炒飯好大碟嘅炒飯，唔係好食到蝦頭膏，部分蝦肉亦比較霉，有陣雪味，唔似係