大自然素食

營業中

休息中

今晚去大自然素食食飯，食完嗌多一個炒飯攞走，為左環保，俾埋自己既盒佢裝。落單果位已經好似手足無措敢，要個資深d既呀姐教佢。之後埋單，一睇張單連外賣都計落加一，雖然係幾蚊雞，但我既然見到就要出聲，我話佢外賣黎都要計落加一?個落單既呀姐依依哦哦，跟住資深d果個又黎依依哦哦，仲要話我做咩嗌外賣唔叫佢同事分單，好似我係你度打工一樣，要比你更清楚你餐廳點運作敢。其實你去改番張單咪得囉，點解仲要同我嘈，我見對牛彈琴敢，可能佢又懶得就懶，我費事再勞氣曬口水，幾蚊雞就豪俾佢（個呀姐仲要話咪就係囉）。但真係唔建議黎大自然素食食飯，其實旺角太子有好多其他素食餐廳，食物唔會比佢差，但員工質素一定比佢好幾班（同區素食餐廳既員工質素倒數第一，佢當之無愧，階因我本身食素已經食過曬附近既素食餐廳），大家一search openrice就搵到旺角太子其他素食鋪。