翠華餐廳 (已結業)

今日去九龍灣參加Event，朋友就帶咗我地去海濱匯覓食，話呢度好多靚餐廳可以選擇，之前網上有睇過呢度嘅相片，知道呢度有一間😍同平時格調截然不同嘅翠華餐廳，就順便過嚟觀摩下😍呢度主打近年好hit嘅韓國菜，而且景色特別靚，可以望到海景，店內一啲都唔似普通茶餐廳嘅裝修，周圍都係花花草草，好似韓國嘅Cafe咁。韓式牛肉石鍋飯～材料有半熟蛋、紅蘿蔔粒、芽菜、菠菜苗、炒牛肉，而且仲另上配埋韓式辣醬和甜醬油添，小朋友見到咁色彩繽紛，已經心花怒放，我有提點佢哋小心啲，因為個石鍋非常熱辣辣，完全可以keep到飯嘅溫度夠晒熱，擺多一陣仲會出現趣卜卜嘅飯焦，自己加上配好嘅醬油，味道甜甜地👍兩個女都裝多兩碗飯添！鮮蝦雜菜沙律配柚子油醋汁～蝦肉好爽口彈牙，呢度嘅沙律菜又幾Flash，而且有我鍾意嘅羅馬生菜，加分😄，凍冰冰又有柚子香，特別開胃！咖喱牛腩飯～咖喱有少少帶甜，類似微辣版嘅泰國咖喱，小朋友都食到，牛筋腩位亦都夠淋，容易食雪耳人蔘雞燉湯～抱住一試嘅態度，估唔到咁驚喜，人蔘味香濃，雞肉內有糯米，雪耳夠溶，令個湯充滿膠質，每啖都膠原感十足👍Set lunch好抵食，包埋飲品甜品，我加十蚊就可以飲特色飲品～藍豆