大榮華酒樓

營業中

休息中

重陽假，飲完茶一家人去錦上路跳蚤市場行完，直入元朗開餐。見時間尚早（6:00pm)，去大榮華踫踫運氣。果然早起的鳥兒有蟲吃，唔洗等位直接坐低。大榮華由肥滔主理，主要食圍頭菜。即係香港本土農家菜。香港新界仍有不少圍村，保留了很多傳統、極富風味的菜式，由於圍村居民以前過著耕種、自給自足的生活，所以這些圍村菜特別著重新鮮的食材，堅持「原汁原味」的原則。今次當然都有食豬油撈飯，另外叫咗4個餸。1）炸大腸---夠脆，夠淋，夠肥2）黑椒雜菌炒牛肉---黑椒味濃，牛肉夠淋，好餸飯。3）家鄉蒸蠔缽---即係蠔仔肉碎粉絲蒸蛋，鮮！滑！推介4）韮菜花煎魚腸---魚腸唔腥，加入韮菜花/韮菜煎成蛋餅，比起焗魚腸好食得多。必試仲有飯後甜品，麥米粥/紅豆沙食餐滿意，保持一貫水準！