Cafeholic

營業中

休息中

呢晚係沙田新城市搵野食，幾乎間間餐廳都排長龍，人流非常多。所以走到隔離商場，揀左呢間CAFEHOLIC，就等左大概15分入座。是日餐湯：羅宋湯。個湯好「傑」身，好重味，但又完全無雜菜湯料，明顯係味精湯。蟹肉露荀黑松露忌廉燴飯：上菜見到賣相，實在有少少失望，不過食落味道都算唔錯，拉番高D分數！有淡淡黑松露香，又未至於搶走蟹肉味。個人覺得多返D露荀就好喇。焗芝士雞肉千層麵。上菜第一個反應係，好大份！每層夾有忌廉汁雞肉，啖啖都充滿芝士，最後兩個人都食唔晒，食多幾啖就覺得太膩。總括黎講，呢間CAFE比我感覺幾快餐，上菜速度好快，食物質素就一般。