茶園

營業中

休息中

依間酒店嘅下午茶一定要申請會員先會有折扣，今次冇申請蝕左，應該有九折。由於真係太多人食嘅關係都要一個月先book到呢個下午茶。牛角包加咗芝士火腿好好味，蝦沙律都OK。反而下午茶送來嘅蛋糕麻麻哋，味道偏甜，鹹點還可以。嗰啲蛋糕就係最尾打包咗拎返屋企。依度嘅重點係一定要試佢哋嘅雪糕，有多達10種口味，當中包括鹹蛋肉鬆味、開心果、芒果糯米飯，全部都好特別，無限添食。仲有生果可以拎。雪糕有特別嘅雪糕碗，唔會咁快溶晒，都有廚師新鮮整起crepe and waffle，好滿意佢哋出面可以無限拎雪糕同埋呢啲嘢。仲有人即場彈鋼琴，酒店服務都幾好。叫咗一杯花茶同埋latte，味道還可以。已經即刻book咗下一次再試下，Book星期六日仲要成個幾月先book到。