我發覺香港而家無論食嘢又好演唱會又好，乜都要排隊
好在都唔係等左好耐， 10零20分鐘左右
呢個木瓜沙律，木瓜新鮮爽口，同埋非常清甜，開胃菜首選
都算幾辣下，如果唔食得辣嘅朋友要同佢單聲減辣
呢隻糕蟹啖啖肉，肉質鮮甜彈牙，加上佢啲醬汁好似有少少芝士嘅味道（純屬我覺得姐
），淨係啲汁都可以餸三四碗白飯
同埋蟹蓋入邊啲蟹膏都幾多
個炒飯配合腰果口感爽脆，如果個炒飯可以炒得再乾身啲就仲好味添
最後到杯飲品，絕對係「直豎拇指」
好香濃嘅椰汁奶味，絕對可以五粒星推介
有興趣去食嘅朋友，建議可以避開晚飯時段早少少去，應該唔使排隊
