歡樂大排檔

營業中

休息中

路過多次都未幫襯過，今晚有機會一試。原來佢係頂咗上手已有一年了 (據講之前係惡評如潮)。大家各自揀餸，上枱時先發現全部都係炸物😅😅每一味都好好食，欖角骨最為出色！粟米龍躉班塊夠乾身，蝦多士不油膩。椒鹽粟米略嫌多了一層脆粉，否則更完美。生炒糯米飯乾身，談不上生炒，但夠料夠味。全場滿座，雖然係上樓室內，但氣氛相當熱鬧，同店名相符🤭好耐沒遇見一個場仲有圍板擺酒添！P.s. 真係爆場，廚房都好忙兼會慢上菜，但你好耐冇見既服務態度，會响昵度揾到。人手不多，但每個伙記都好熱心，跟單既會跑到入㕑房催，連執枱阿姨都有團火，見經理做唔切會幫埋手招呼客人兼寫單。其實，昵d咪有heart既服務囉。個人而言，我反而覺得咁先係敬業樂業，專業精神！就算你等耐咗，都值得。相比起北上既大商場食府，只用人海戰術，機械人作業，相差甚遠。